Дата рождения: 12.02. 1923
Место рождения: Нюрба
Место работы: Нюрба
Должность: Сылгыьыт, Бостуук
Воспоминания: Семёнов Дмитрий Иванович тыыл, улэ ветерана 1923 сыллаахха Хорула нэьилиэгэр торообутэ. Хос эьэм
Миитэрэй 16 сааһыттан холкуостаах аатын ылан, Ампаардаахха уонна Эмпэҕэ  сүүрбэттэн тахса сыл сылгыһыттаабыта. Хорулаҕа аан бастаан түөрт өттүнэн кырыылыы суоруулаах сиэрдийэнэн, түөртүүлээх сүрдьүгэс күрүөннэн, сылгы тутар, араарар, саас эмтиир-томтуур хаачыкалаах киэҥ-куоҥ сылгы баазатын сиэрдийэтин, баҕаналарын сүгэнэн кэрдэн, эт санныларынан сүгэн-таһан туппуттара. Ол күрүө-хаһаа 40 сыл сиҥнибэккэ турбута.
“Чөкөйөөн хаачыкалара” диэн кэлиҥҥи сылгыһыттар хайҕаан ахталлара. Ол курдук хос эьэм кичээҥҥи, чиҥ туттуулаах-хаптыылаах туруу үлэһит этэ. Сэрии саҕана биир сыл мунутаан 100 биэттэн 100 кулуну ылан оройуоҥҥа бастаабыттара. Өрөспүүбүлүкэҕэ кинилэр уонна Бүлүүгэ Көстөкүүнэп диэн киһи итинник көрдөрүүлэммиттэр. Төрүүр биэтин ахсаана элбэх буолан
Миитэрэй Уйбаанабыс 1947 с. 1941-1945 с.с. Aҕa дойдуну көмүскүүр «Улуу сэриигэ килбиэннээх үлэтин иһин» мэтээлинэн, 1952 с. «Саха АССР тэриллибитэ 30 сыла» диэн анал бэлиэнэн наҕараадаламмыта.
В.И. Ленин төрөөбүтэ 100 сылынан үбүлүөйүнэй мэтээлинэн, уонунан хайҕал суруктарынан, харчыннан бириэмийэлэммитэ.
1970 с.  Норуот хаһаайыстыбатын Бүтүн Сойуустааҕы быыстапкатыгар кыттыбыттара. Латвия Сигулда куоратын куруордугар сынньанан кэлбитэ.
90-с сыллартан саҕалаан оройуоҥҥа от охсуутугар 18 күүлэй тэриллибитэ Бэйэтэ этэринэн уонтан тахса куүлэйгэ кыттан, мүһэ, бириис, харчынан бириэмийэни ылбыт. Бэйэтин кэмигэр сыппах хотуурунан улахан от охсооччу быһыытынан, биир ураты киһинэн биллибитэ.
2005 с. Улуу Кыайыы 60 сылыгар аналлаах Дьиикимдэ эбэтигэр ыытыллыбыт 6 чаастаах күүлэйгэ 0,7 гектар иэннээх си¬ри охсон кырдьаҕастарга улууһугар бастаабыта. Оройуон бирииһин таһынан, тыа хаһаайыстыбатын миниистирэ Айаал Степановтан 10 тыһ. солк. харчыннан бирииһи туппута. Бүтэһигин Куочайга буолбут күүлэйгэ 85 сааһыгар сылдьан эбиэккэ диэри 20 суотай сири охсубута.

—
Автор записи: Мохначевская Лилия Прокопьевна