1925 сыллаахха Yөhээ Булуу оройуонун Быракаан нэhилиэгэр Чыбыыда урэх урдугэр Хочот диэн сиргэ торообутэ. Кинилэр хас да бырааттыы этилэр. Аҕабыт кыра эрдэгинэ Семеновтар диэн ыалга иитиллибит. Сэрии буолбут иккис сылыгар икки убайдара сэриигэ барбыттара. Олор кэннилэриттэн 1943 сыллаахха кинини 18 сааhын туола да илигинэ повестка тутан Хочот диэн сиртэн Быракаантан (уонча көстөөх сир) сайын киирбитэ. Японияны кытары сэриигэ сылдьыбыта. Кини бу сэриигэ ручной пулеметчугунан сылдьыбыт. Сэриигэ сылдьан бааhыран, контузияланан госпитальга киирэн эмтэммитэ. Эмтэнэн тахсан баран диверсаннары утары oxcyhap этэрээккэ сылдьыбыта. Японияны кыайан баран Москва куораты чөлугэр туhэриигэ ыыппыттара. Онно билиэн тубэспит ньиэмэстэри харабыллаабыт. Ол кэннэ Myopaҕa мотуруоhунан сылдьыбыт. Монголияга эмиэ сулууспалаабыт. 1949 сыллаахха дойдутугар эргиллэн кэлбитэ. Кэлэн кэргэннэнэн алта оголоммута. Колхозка кадровай булчутуман, сылгыhытынан үлэлээбитэ. Экспедияларга сирдьитинэн сылдьыбыта.

Сэрииттэн үс бырааттыы үhүөн эргиллэн кэлбиттэрэ. Сайынны оттугэр окко сылдьара, ханна ыыппыт сирдэригэр баран үлэлиирэ. Биир сайын от охсуутугар куоталаhан, ол саҕана 10 күннээх декада диэн баара, онно кыттан күннэ 1 гектар 25 суотайы охсон бириэмийэ ылбыта. Сылгы төрүөҕэр үрдүк ситиhиилэри ылан убаhанан бириэмийэлэммитэ. Ханна анаммыт үлэтигэр үтүө суобастаахтык үлэлиирэ. Эдэр сылдьан кырдьан да баран лаппа бэйэтин кыанар тэтиэнэх киhи этэ. Ол дa иhин ыарахан үлэттэн чаҕыйбакка саатын, сэбин-сэбиргэлин, ыhыгын ылла да атын сыарҕалаан, хас да ыйы быhа тыаҕа баран хаалара. Биhиги кыра сылдьан төгүрук сылга биирдэ эмит корон ааhарбыт. Ону даҕаны кэлээт, маhын-отун бэлэмнээт төттөру барааччы. Дьонно — сэргэҕэ сыhыана, бэйэтин да майгыта сүрдээх сымнаҕас киhи этэ.  Дэлэҕэ, ыарахан ыарыыга ыллара да сылдьан, төрөөбүт үөскээбит сирин-дойдутун Хочоту көрө, быраhаайдаhа, бултуу тахса сылдьыа дуо? Атын ыныырыгар ыарыытын биллэримээри быардыы түhэн сытар үhү, ол курдук булт бөҕөтүн бултаан киирбитэ. Ол киирэн баран уонча хонон баран бу күн сириттэн бараахтаабыта. Оннук тулуурдаах кытаанах характердаах киhи этэ. Кини олорбут ологун, төhөлөөх элбэх булду бултаабытын, үлэлээбитин-хамсаабытын ымпыгар-чымпыгар тиийэ суруйар киhи apaaha биир кинигэ буолуо этэ. Ону туоhулуур грамоталар, хайҕал суруктар, наҕараадалар, бэлэхтэр элбэхтэр этэ. Онон кини оҕолоро, сиэннэрэ, хос сиэннэрэ, аҕабытынан, эhэбитинэн киэн туттабыт.

Ахтыыны суруйда кыыьа Семенова Дария Васильевна