Саввинова Татьяна Яковлевна 10.06.1919 г.

Саввинова Татьяна Яковлевна Аҕа Дойду сэриитин кэмигэр алын кылаас учууталынан үлэлээбитэ. Кини «За трудовую доблесть в годы Великой Отечественной войны 1941-1945гг» мэтээлинэн наҕараадаламмыта («Память» 7 том).

Татьяна Яковлевна Сунтаар оройуонун Кэриэстээх нэһилиэгэр 1919 сыллаахха төрөөбүтэ.
1941 сыл Бүлүүтээҕи педагогическай училищены бүтэрэ баран Суннтаар оройуонун Тойбохойугар начальнай кылаас учууталынан барар буолбут. Сайын оскуола аһыллыар диэри  от үлэтигэр, бурдук быһыытыгар, оҕуруот аһын көрүүтүгэр үлэлээн оскуола директорыгар уонна завучка бэлиэтэттэрэрэр эбиттэр. Онон сайынын холкуос бары үлэтигэр кыттыһан  балаҕан ыйыгар оскуола аһыллыар диэри эрчимнээхтик үлэлээбитэ.

Сэрии сыла буолан холкуоска үлэлиир киhи тиийбэт. Онон учууталлар сарсыарда оскуолаҕа оҕолору үөрэтэн баран күнүстэн ыкса киэhэ дылы, ардыгар түүн 11-12 чааска дылы холкуоска үлэлииллэрэ.
Онтон оскуола үөрэнээччилэригэ «Ученическэй этэрээт» диэн тэриллэн улахан дьону кытта тэҥҥэ үлэлээбиттэр. Күһүн, саас аайы оттор мас кэрдиитигэр бүтүн оскуоланнан тахсаллар. Сэрии сылларын бириэмэтигэр кураан бөҕө буолан, күөллэр уулара уолан хаалан, ынахтыын киhилиин кыhын хаар уутунан, сайын холуодьастан уулананан олорбуттар. Учууталлар кыhын оскуолага улэлэрин быыhыгар оскуола оҕолоругар уонна төрөппүттэргэ туспа политзанятия ыыталлар, араас тематическай кружоктары, самодеятельноhы, пионерскай үлэни тэрийэллэрэ. Онон үлэ-үөрэх күөстуу оргуйар. Биир сыл Татьяна Яковлевна детдомҥа баспытааталынан үлэлии сылдьыбыт. Сэрии сылларыгар төгүрүк тулаайах хаалбыт оголору детдомҥа хомуйан ииппиттэр. Тойбохой детдомугар хас да сүүс ого иитиллэ сылдьыбыта. Астарынан, таҥастарынан аан бастаан детдом оҕолорун хааччыйаллара, онон кинилэргэ үчүгэй усулуобуйаны тэрийэн олордубуттар. Үлэhиттэрэ: директор, хас да баспытаатал, завхоз, повардар, кастелянша, уборщицалар, прачка, оhох оттооччу. Ону барытын Сэбиэскэй государство үбүнэн хааччыйан олорбут.

М. Иванова, ученица 2  класса