Саввина Анна Васильевна

Мин эбэм Саввина Анна Васильевна 1932 сыллаахха Өспөх нэһилиэгэр Уус- Алдан улууһугар төрөөбүтэ. Аҕата Саввин Василий Ионович 1910с.т. Аҕа дойду сэриитигэр 1942с. ыҥырыллан баран онтон төннүбэтэҕэ. Ийэтэ Саввина Вера Яковлевна 1902с.т. сааһын тухары колхозка ыанньыксытынан үлэлээбитэ.

Эбэм сут сэрии сылларыгар тулаайах буолан интернатка олорон үөрэммитэ. Сайын оскуола ремонугар үлэлииллэрэ, оһох кирпииччэтин, буорун атахтарынан үктээн оҥороллоро, буору мэһийэн оскуоланы сыбыыллара, түннүктэрин самааскалыыллара. Аны оскуола аттыгар үрэххэ окко үлэлииллэрэ. Начальнай кылааска Чэриктэй оскуолатыгар үөрэммит «Ыччаттан» 7км сиргэ былыргы оскуолаҕа «Малтахааҥҥа» хабыс хараҥаҕа сатыы үөрэнэ бараллара.

Сэрии сылларыгар колхозка булуугунан сир тиэриитигэр оҕус сиэтэллэрэ, от мунньаллара. Оҕуруокка сыыс оту ыраастааһын үлэтэ. Сэрии буолбут сылларыгар уот кураан турбута, аһыҥка ырбаахыларын иһигэр толору симиллэр эбит. Аһыыҥканы өлөрөөрү омуһах курдугу хаһаллар этэ. Бурдуктарын хаһыҥтан харыстаан күһүн түүннэри түптэ уматаллара.

Мин хос эбэм үлэ, тыыл ветерана, «Почетный старейшина» знактаах, Дүпсүн нэһилиэгин «Почетнай гражданина». Эбэм Дүпсүн нэһилиэгэр 27 сыл устата сэбиэт сэкэрэтээринэн үлэлээбитэ.

Хос эбээбинэн киэҥ туттабын. Кинини куруутун өйдүү-саныы сылдьыаҕым!

Автор: Сивцева А., НПСОШ №2, 4 кылаас