Анна Ильинична Саввина (Лукина) (1930-2011) ыам ыйын 9 күнүгэр 1930 с. Нам оройуонун Бөтүҥ нэhилиэгэр төрөөбүтэ. Аҕата Лукин Илья Андреевич 1895 с. төрөөбүтэ. 1916 сыллаахха Мария Кировна Аммосованы кэргэн ылар.

Хос эбэм Үлэ бэтэрээнэ, СССР Үрдүкү Сэбиэтин Президиумун ыйааҕынан «Медаль материнства I и II степени» наҕараа-далламмыт. Кэргэнэ Саввин Прокопий Николаевич (1923-1986), Мэҥэ-Ха- ҥаластан төрүттээх, Аҕа дойду сэриитин кыттыылааҕа, Аҕа дойду сэриитин II степеннээх орден, «За победу над Германией» уонна «За победу над Японией» мэтээллэрдээх, үлэ бэтэрээнэ, тутааччы идэлээх.

Эбэлээх эһэм 1951 с. холбоспуттара, Дьокуускай куоракка уон- на Мэҥэ_Хаҥалас Майа нэһилиэгэр олоро сылдьыбыттара. 6 оҕо амарах аҕатат уонна иһириэх ийэтэ буолбуттара.

Эбэм 1969 сылтан оҕо уhуйааныгар 13 сыл үлэлээбит.

Анна Ильинична Максим Кирович Аммосов балтыта буолар. Хос эбэм ийэтэ Мария Кировна Аммосова бииргэ төрөөбүт убайа буолар.

Анна Ильинична саҥарара, кэпсэтэрэ, сүбэлиирэ сыыс тыла суох, судургу буолан баран, кэлин толкуйдаан көрдөххө сүрдээх киэҥ, дириҥ ис хоhонноох буолара. Киэҥ-дириҥ толкуйдааҕа. Бэйэтин кэмигэр кыах баара буоллар, үөрэх ылынан, бука олох атын идэни баhылаабыт буолуо эбитэ. Артыыс талааннааҕа. Дьо- ну кытта кэпсэтэригэр мимикатын араастаан уларыта сылдьара. Хаhан да хатыламмат гына хараҕынан көрөн, төбөтүн арыый да атыннык туттан кэпсии олороро, бииргэ үлэлиир дьүөгэлэрин кытта сэhэргэрэ бу баар курдук.

Убайа төрөөбүтэ 100 сылын бэлиэтиир тэрээhиннэргэ Намҥа, куоракка СГУ-га аймахтар мустан кыттыыны ылан, хаартыскаҕа түhэн турардаахтар. Үтүө дьон баар буолан таайын аата, үлэтэ-хам- наһа үйэтитиллэ турарын ахтан-санаан ааhара.