Санников Петр Гаврильевич (1910-1979 гг.)

 

Мин тапталлаах эһээм Санников Петр Гаврильевич сэриигэ Забайкальскай фронт 1032 строительнай полкатыгар сулууспалаабыта. “Японияны кыайыы иһин”, “Сэрии сылларыгар килбиэннээх улэтин иһин” мтэтээллэрдээх.

Өргөннөөххө Хобул өтөҕөр, Бүөр илин баһыгар төрөөбүтэ. Төрөппуттэрэ Мотуруона, Хабырылла Сүөдэрэбис элбэхтэ оҕоломмуттарыттан икки эрэ оҕо ордубута. Ликпууҥҥа үөрэнэн ааҕар суруйар этэ. Сүрдээх улэһит, от охсооччу бастыҥа, өр сылларга сылгыһыттаабыта. Тураайыга сылгы күрүөтүн бөҕө-таҕа гына оҥорбута уһуннук туһалаабыта. Үлэҕэ ситиһиилэрин иһин ударник, стахановец аатарын сүкпүтэ. Отутус сыллар саҥаларыгар Тастыгина Аграфена Егоровнаны кэргэн ылан уонтан тахсата оҕоломмуттара. Билигин түөрт оҕолоро, сиэннэрэ, хос сиэннэрэ эһээлээх эбэлэрин аатын ааттаталлар, кэриэстииллэр.

“Мин 1943 сыллаахха ыам ыйын ! күнүгэр дойдубуттан арахсыбытым. Сахалартан 250 киһи баара. Биһиги Хоронко диэн станцияҕа тиийбиппит. Онно миигин уон биир саха саллааттарын кытта рабочайынан анаабыттара. Мас эрбиир, саһаанныыр этибит. Саас бэс ыйыгар чааспытыттан көһөрөн, атын чааска илдьибиттэрэ, ол биһигиттэн 2 көс ыраах сир этэ, траспорт кыйан илдьибэт, онон сатыы бардыбыт. Онно тиийэн өрүскэ мас уһаарыытыгар улэлээтибит. Сталин бирикээһэ этэ, балтараа ый иһинэн бүтэриэхтээх улэбитин толордубут. Сатыы айаннаан чааспытыгар төттөрү кэллибит. Фроҥҥа ыытар үһүлэр диэн сурах иһилиннэ да, ылбатахтара. Күһүн Неченскай куоракка кэлбиппит. Миигин доруобуйабынан сыыйан кэбиһэннэр Читааҕа хаалытым. 1946 с. Сайын дойдубар, дьоммор эргиллэн кэлэбин”.

 

Автор: Корнилова А.А.