Решетникова (Мокрощупова) Анна Ивановна (1931 г.р.)

Мин 1931 сыллаахха атырдьах ыйын 15 кунугэр Федора Петровна, Иван Иванович Мокрощуповтар дьиэ кэргэннэригэр Ойуу-Хатын диэн дэриэбинэ5э (билиннитэ Сана Таба5а) тереебутум.

1941 сыллаахха сэриигэ хомуйуу буолбута. Биhиги дэриэбинэттэн Степанеов Филипп, Павлов Михаил, Корякин Филипп, убайдарым Сэмэн, Хабырыыс Мокрощуповтар барбыттара. Угустэрэ эргиллибэтэхтэрэ. Сэмэн инвалид буолан теннубутэ. Убайым Хабырыыс теннубэтэ5э, кэлин истибиппит, Калининград куоракка кемуллубут эбит.

Сэрии ыар сылларыгар мин уончалаах кыыс этим. Ойуу Хатын о5олоро, эдэр ыччаттара улахан дьонтон хаалсыбакка улэлиирбит. Ол сылларга а5ыйах эр киhи дэриэбинэ5э хаалбыта, кинилэр, атын, улахан улэ5э сылдьаллар этэ. Биhиги о5олору кытта Калинин аатынан колхозка бурдук ыраастаан, кыра «американка» куулга кутан, тэлиэгэ5э куруустаан, куоракка ыытар этибит. Завхозпут, Варвара Николаевна Уваровская, оччотоо5уга, эдэр кыыс этэ. Ийэм, ыарыhах да буоллар, колхозка дояркалыыра, а5ам, хара5а ыалдьарынан сибээстээн, сэриигэ ынырыллыбата5а. Онон, мин дьоммор кемелеhен, оскуола5а икки эрэ кылаас уерэ5и бутэрбитим. Эдэр о5о эрдэхпиттэн хара улэ кыhал5атын, ыараханын кытта энэрдэспитим. От мунньуутугар бастын мунньааччы буоларым. Кыhын, ферма5а, борооскулары керерум. Ол курдук, сэрии кэмигэр Хатас нэhилиэгэр «Калинин», «Ленин», «Каландрашвили» колхозтарга улэhит илии тиийбэтэр да, биhиги о5олор, дьахталлар, сэриигэ барбатах кырдьа5астар суеhуну сыл таhаарарга, бурдук, о5уруот аhын урдук уунутун ыларга бары биир санааны тумэн Улуу Кыайыыны уhансыбыппыт.