Рахлеев Иван Федотович (1917 г.р.)

Мин эһэм 1917 сыллаахха, балаҕан ыйын 5 күнүгэр Таатта  улууһун  2-с Игидэй нэһилиэгэр   колхозтаахтар Федот Варфоломеевич уонна Марфа Федоровна Рахлеевтар дьиэ кэргэннэригэр үһүс  оҕонон күн сирини көрбүтэ.

Төгүрүк Уолба алааһыгар оҕо сааһа ааспыта. Сэттэ кылаастаах оскуоланы бүтэрэн баран,  1936 сылтан Уолбаҕа почтовой сибээс отделениятыгар начальниктаабыта. 1937 сылтан саҕалаан 30 сыл учууталынан уонна иитээччинэн  эҥкилэ суох үлэлээбитэ. 1940с. Чурапчытааҕы педогагическай училищены  үөрэнэн бүтэрбитэ.

Улуу сирдьиппит Ленин аатын сүгэр Уолба оскуолатыгар, интернатка  эдэр көлүөнэни иитиигэ элбэх сыратын, билиитин-көрүүтүн, олоҕун анаабыта. Төрөөбүт, үөрэммит оскуолатыгар начальнай кылаас учууталынан, сэбиэдиссэйинэн, кэнники история уонна география учууталынан үлэлээбитэ. Эргэ оскуоланы кини аҕата Федот Варфоломеевич  маастардаан, салайан туттарбыта. Бу оскуолаҕа элбэх оҕо-ыччат үөрэнэн,  куорсун анньынан улахан олоххо  бэлэмнээх, билиилээх тахсыбыттара нэһилиэк, улуус,  республика сайдарыгар бэйэлэрин кылааттарын киллэрбиттэрэ.

Иван Федотович уонна Валентина Петровна 1941  сыллаахха ыал буолбуттара, биһиги аҕабытын Федот Ивановиһи төрөөппүттэрэ. Учуутал уоппускатын кэмигэр Ликбез учууталынан үлэлиир этэ, колхозтаахтары  суруйарга-ааҕарга үөрэтэрэ.  Саха эр киһитин сиэринэн бултуур этэ. Мин кинини кытта дугдаҕа аан бастаан барбытым. Ол тугэни билиҥҥэ дылы умнубаппын. Саанан бэргэнник ытар сааһыт,  булт сиэрин-туомун тутуһар этэ, сиэнигэр үөрэппитэ. Биирдэ  бырааппар анаан хардаҕас мастан саа уонна сугэ оҥорон үөрдүбүтэ, өр кэмҥэ оонньообуппут. Миэхэ чаачар саа оҥорбутун, билиҥҥэ дылы ахта саныыбын…

Эһэбит өр сыллаах үлэтэ үрдүктүк сыаналаммыта ол курдук Советскай союз государственнай наградалара-  Аҕа дойду сэриитигэр килбиэннээх үлэтин иһин “За трудовую  доблесть в Великой Отечественной войне  в 1941- 1945гг.”,  1950 сыллаахха  “За трудовое отличие”,  1953 сыллаахха “За трудовую доблесть”  уонна юбилейнай  мэтээллэринэн наҕараадаламмыта. Иван Федотович маһынан уһанар, уруһуйдьут, элбэх маскараадтары онорбут, краеведческай музейы тэрийиигэ, сайыннарыыга кылаатын киллэрбит айыл5аттан айдарыылаах талааннаах художник- ойуут идэлээҕэ. Биһиэхэ, сиэннэригэр уонна атын оҕолорго  анаан хаарынан дед Мороһу, тыа кыылларын тиэргэммит иһигэр оҥоро. Иван Федотович  оҥорбут, айбыт Уолба  аар-саарга аатырбыт түһүлгэтин уус-уран,  дьиҥ сахалыы аарыма Сэргэлэрэ билигин даҕаны дьону-сэргэни, сиэннэрин үөрдэ тураллар.

 

 

Автор: Э.Коложезников, 5 в кылаас.

Варфоломей ыччаттара

Колодезников Петр Михайлович 1919-2012 гг