Дата рождения: 01.10.1928г.
Место рождения: Чурапчинский район, село Чурапча
Место работы: Сельхозтехникум
Должность: Агроном
Воспоминания: Мин хос эһэм Пудов Семен Николаевич 1928 сыллаахха, алтынньы 1 күнүгэр, Чурапчы оройуонугар колхозтаах дьиэ-кэргэнигэр төрөөбүт, сэрии сылларыгар кини 13-14-х уол эбит. Аҕа дойду сэриитин сылларыгар, Чурапчы колхозтарын 1942 сыллаахха Хоту, балык бултааһыныгар диэн көһөрбүттэр. Онно 41 колхоһу, 4988 киһини күүс өттүнэн көһөрбүттэр. Оттон мин эһэм олорор «Миронов» аатынан колхоз бу көһөрүүгэ хабыллыбатах. Бу колхоз оройуон кииниттэн чугас буолан, нэһилиэнньэни оттук маһынан, этинэн-үүтүнэн хааччыйар эбит. Колхоз төһүү, кыанар эр дьоно сэриигэ барбыттар, олор истэригэр абаҕаларбыт — Иван Николаевич, Николай Николаевич, Григорий Петрович, Павел Васильевич Пудовтар сэриигэ барбыттар. Инньэ гынан мин эһэм кырдьаҕас аҕатыгар саамай тутаах, көмөлөһөөччүнэн буолбут. Колхоз боруода ынах-сүөһү фермалаах, сылгы иитэр, бурдук ыһар киэҥ бааһыналардаах эбит. Онно үлэһиттэринэн кырдьаҕастар уонна оҕолор эрэ хаалбыттар. Мин хос эһэм Семен Николаевич аҕата Николай Николаевич ыччаттарга наставниктыыр эбит, оччолорго оройуоҥҥа бастакынан ыччат биригээдэтин тэрийэн үлэни ыыппыттар, оҕолору ыччаттары салайан колхоз бары үлэтигэр кыһыннары-сайыннары үлэлииллэр — фермаҕа сүөһү көрүүтүгэр, сайын окко мин хос-хос эһээлэрим күүскэ үлэлээбиттэр. Сэрии кэмигэр улахан кураан буолан от, бурдук үүммэккэ улахан аччыктааһын, хоргуйуу буолбут. Колхозтаахтар туох тиийэринэн бэйэ-бэйэлэригэр көмөлөсүһэн ол ыарахан сыллары туораабыттар. Мин эһээлэрим колхозтара аан бастакынан оройуоҥҥа боруода сүөһүнү көрбүттэр, бу манна барытыгар мин эһээлэрим тэҥҥэ үлэлээбиттэр. Сэрии кэмигэр үрдүк таһаарыылаах үлэлэрин иһин «Тыыл ветерана» ааты биэрбиттэрэ, хос-хос-хос эһэм Николай Николаевич Пудов Сталин мэтээлинэн наҕараадаламмыт. Оттон хос-хос эһэм Семен Николаевич Тыыл ветерана, юбилейнай мэтээллэрдээх, Россия Президенэ В.В.Путинтан Махтал суруктаах. Мин хос эһэм Семен Николаевич кыра эрдэҕиттэн үлэҕэ эриллэн, тыа сирэ сайдарын туһугар агроном идэтин ылан үгүс үлэни үлэлээбитэ.

Автор записи: Н.П. Олесов