Протопопова Ирина Кузьминична (1904-1996 гг.)

Тереебут сирэ: Нам оройуонун 2 Хомустаах нэьилиэгэ

Улэлээбит сирэ: Нам оройуонун 2 Хомустаах нэьилиэгинээги «Хатас» колхоз.

Мин хос эбэм Ирина Кузьминична Нам оройуонун 2 Хомустаах нэһилиэгэр 1904 с төрөөбүтэ.

Кини маҥнайгы холкуостар тэриллиилэригэр чилиэнинэн киирбитэ. Сэрии ыар сылларыгар Нам оройуонун 2 Хомустаах нэһилиэгинээҕи «Хатас» колхозка ыанньыксытынан үлэлээбитэ.

Хотон үлэтэ олус ыарахан, 12-13 ынаҕы ыыллара, ньирэйэдрин бэйэлэлрэ көрөллөрө, хотон сыбыыллара, балбаах оҥороллоро. Киэһээ хотонҥо, дьиэҕэ кыраһыын лаампанан сырдатынаналлара. Күһүн олорор дьиэлэрин, хотоннорун икки хос сааҕынан сыбыыллара. Сайын от оттуурга көмө буолара.

Сэрии сылларыгар бу ыар улэни барытын оҕо-дьахтар, эмээхсин, сэриигэ барбат саастаах оҕонньоттор, инбэлииттэр толороллоро.

Сэрии кэниттэн кыһыннары-сайыннары субай сүөһү көрүүтүгэр улэлээбитэ, бостууктаабыта.

Кыайыы туһугар диэн улэлээбит улэтэ «Аҕа дойдуну көмүскүүр Улуу сэрии 1941-1945сс. Килбиэннээх улэтин иһин» мэтээлинэн бэлиэтэммитэ.

Сэрии да кэниттэн олохторо тута көммөтөҕө. Кэлин дьэ чэчирии сайданнар байылыат олох баар буолбута, киһи нус-хас олорор кэмнэрэ үөскээбитэрэ.

Мин хос эбээм күүстээх санаалаах, тулуурдаах, мындыр өйдөөх киһи этэ. Оҕолоругар, сиэннэригэр сэрии саҕана хайдахтаах ыараханнары көрсүбүттэрин, хайдах улэлээбиттэрин хаһан да кэмсиммэккэ кэпсиирэ. Кини элбэх оҕолоох ыал ийэтэ. Кырдьар сааһыгар хараҕа мөлтөөн олох көрбөт буолбут этэ 1996 с 92 сааһыгар өлбүтэ.

Мин хос эбээм сэрии сылларыгар тыылга үлэлээн, кылаат оҥорбутунан киэн туттабын!!!

Автор: Д.Юшков, ученик 1 класса.