Протодьяконова Марфа Алексеевна (1921 г.р.)

 

Мин хос эбээм Марфа Алексеевна Протодьяконова 1921 с.  Доллу нэһилиэгэр төрөөбүтэ.

Ийэтэ Александра Алаҕар Ноговициннар  кыыстара. Ийэтэ олох кыратыгар ыалдьан өлбүт. Аҕата Птицын Алексей Тихонович  нэһилиэгэр ревком чилиэнинэн үлэлээбит. Революция саҕана бандьыыттар тутан ылан Бахсыга тоҥ ампаарга хаайан сытан кырбааннар, улахан салҕа буолбут. Ол да буоллар артыаллары, колхуостары тэрийиигэ кыттан төһүү үлэһит буолбут. Ол бириэмэҕэ эбээтигэр Алаҕарга үксүн иитиллибитМарфа Алексеевна, тулаайах аҥардаах эрэйдээхтик улаатан 4 кылааһы бүтэрбит  уонна колхуоска үлэлиир. Сэрии саҕана Никон Михайлович Харитонов сүбэтинэн куоратка 1939 сыллаахха трактористар курстарыгар барар. 1941 сыллаахха үөрэнэн кэлэн Төҥүлү МТС-гар бастаан сменщигынан онтон трактористканан үлэлиир. Кинини ЧТЗ-80 улахан тракторга, Кычкин Семен Иванович наставникка сыһыарбыттара. Сэрии буола турар кэмигэр Төҥүлү МТС-гар директорынан Король С.К. диэн украинец үлэлээбит. Сүрдээх  эппиэтинэстээх, киэн-холку салайааччынан биллэр эбит. «Өстөөҕү үлтүрүтэһэ, сэриигэ барбыт убайдаргытын солбуйар кыргыттар кытаатыҥ» диэн күүстэригэр- күүс эбэн, санааларын көтөҕөн этэрэ үһү.

Хос эбээм Марфа Алексеевна хас да кыыс буолан тракторискалаабыттар. Тракторист кыргыттар түүннэри-күнүстэри үлэлииллэрэ. Жданов аатынан «Сардаана», Ворошилов аатынан «Социализм суола», «Кыһыл агроном», «Коммунизм суола», «Молотов» аатынан колхозтарга эргэ өтөхтөрү тиэрэн бурдук бааһыныларын солууллар, бурдук ыһыытыгар, сир паарыгар, бөһүөлэктэри кэҥэтиигэ, суол оҥоруутугар үлэлээбиттэр. Кыайбаттарыттан, сатаабаттарыттан толлон турбакка кыргыттар үлэлээбиттэр. Техникалара алдьаннаҕына түүннэри-күнүстэри бэйэлэрэ оҥостоллор.

Саамай эрэйи көрбүт үлэлээбит сирдэринэн буолбут, төрөөбүт үөскээбит сирэ Алаҕар. Баҕар эстэн эрэр буолан эрэйдээбитэ буолуон сөп диэн эбээм кэпсиирэ үһү. Алаҕарга бааһыналара, сыырдара иҥнэри- таҥнары буолан элбэх мэһэйи көрсүбүттэр. Киһи сүрүн баттыыр бааһыналара эбит. Бу үлэлии сылдьан саамай киһи дууһатын аймаабыт Чурапчы көһүүтүн, илэ харахтарынан    көрөннөр эдэр тракторист кыргыттар харахтарын уута тохтубут, санаалра түспүт. -50 кыраадыс тымныыга самолеттарын мотоорун ириэрдэхтэринэ көтөр эбит.

 

 

 

 

 

 

 

 

 

 

 

 

 

 

 

 

Автор: А.Протодьяконова, правнучка