Посельская Матрена Ильинична  (1932-2022 гг.)

Одна из первых якутских женщин-инженеров в г. Якутске

Я хочу вспомнить и  рассказать о своей двоюродной сестре — Посельской Матрене Ильиничне (в девичестве Филипповой), которую так назвали в честь моей мамы – Филипповой Матрены Ивановны. Она родом из Сунтар, является одной из первых женщин-саха с техническим образованием инженера-строителя, которая в послевоенные годы внесла свой вклад в развитие, строительство города Якутска.

Об этом сама Матрена Ильинична вспоминала так, приведу отрывок из ее воспоминаний о родных и о себе, оставленных в 2014 году:

«Биһиги аҕабыт Илья Иванович 1938-42 сс. Сунтаар нэһилиэгин “Папанин”

аатынан колхозка бэрэссэдээтэлинэн үлэлээбитэ. 1942 сыл сайыныгар сэриигэ ыҥырыллан барбыта. 1943 сыллаахха кулун тутар ыйга сураҕа суох сүппүтүн туһунан биллэрии кэлбитэ. Ол ыар сүтүк оспот баас буолан билигин даҕаны дууһаны аймыыр. Илья Иванович төһө да кыра үөрэхтээҕин иһин бэрт тэрээһиннээх салайааччы этэ. Өссө сэрии иннигэр колхозка биэни ыан кымыстааһын саҕаламмыта.  Сыл аайы окко киириэх иннинэ кымыс үрдүн иһии бырааһынньыга буолара. 1939-40 сыллартан Сунтаар Күөл аттыгар колхоз бөһүөлэгин туту саҕаламмыта. Бөһүөлэккэ килиэп астыыр бэкээринэ тутуллубута, оҕо дьааһылата арыллыбыта. Кырдьаҕастар кэпсииллэринэн биһиги аҕабытын олус холку майгылаах, талааннаах салайааччы,  дьон барыта убаастыыр киһитэ эбит. Аҕабыт туһунан В. Л. Алексеев ИЛ ТУМЭН парламент хаһыатыгар 20.02.2009с. «Холкуос бэрэссэдээтэлэ, кыргыс толоонун буойуна» диэн статьятын  таһаарбыта.

Ийэбит Филиппова Харитена Федоровна 1910 сыллаахха билиҥҥитэ Ленскэй улууһун Беченчэтигэр төрөөбүт. Чугас аймаҕа  Ксения Сунтаарга олохтоох киһиэхэ кэргэн тахсан баран биһиги ийэбитин уонна таайбыт Попов Михаил Федоровиһы төрөппүттэрэ, суох буолбуттарын кэннэ Бэчинчэттэн Сунтаарга аҕалтаан иитэлээбит.

Биһиги дьоммут сэттэтэ оҕоломмуттарыттан үс кыыс баарбыт. Мин улаханнара, Матрена Ильинична, 1932 төрүөхпүн. Тутуу инженерэ үөрэхтээхпин. «Воронежский инженерно-строительный институтка»  баран үөрэххэ киирбитим. Биэс сыл үөрэнэн баран 1957 сыллаахха бүтэрбитим, Трест «Якутстрой»диэн тутуу тэрилтэтин ыҥырыытынан Дьокуускайга кэлбитим. Саха дьахталларыттан бастакылартан биирдэстэрэ техническай үөрэхтээх киһи кэллэ диэн үөрүүннэн үлэҕэ ылбыттара. Ол саҕана олус үтүө санаалаах, кыһамньылаах, культурнай салайааччылар баар этилэр: Трест «Якутстрой»управляющайа Жорницкий Ефим Львович, каадыр отделын начальнига Ахчанныров Иван Федотович, биригэдиирдэр Докторов Николай Петрович, Алексеев Михаил Федорович о.д.а.

Ол саҕана куоракка элбэх таас дьиэлэр тутуллаллара: «Хлебозавод», «Завод строительных конструкций», «Лена»гостиницата, «Универмаг» (билигин «Дом торговли»), банно-прачечный комбинат, олорор дьиэлэр, иккилии этээстээх мас дьиэлэр Дзержинскай, Кеша Алексеев уулуссаларыгар, 17 кварталга о.д.а.

Дьокуускайга кэлэн бастаан биэс сыл мастерынан, прорабынан куорат араас тутууларыгар үлэлээбитим. Кэлин 25 сыл «Якутгражданпроект» диэн проектнай институтка араас  дуоһунастарга, онтон инженеринэн пенсияҕа тахсыахпар дылы үлэлээбитим. Билигин пенсияҕа олоробун, үс оҕолоохпун, уонтан тахса сиэн, уонча хос сиэннэрдээхпин.

Наҕараадалым диэн: үлэ-тыыл ветерана, РСФСР ГосСтрой күрэхтэһиитигэр кыайыылааҕа,  Коммунистическай үлэ ударнига, элбэх махтал сурук, бочуотунай грамота, юбилейнай медааллар хаһаайына».

Говорят, человек жив, пока память о нем жива. Помню,  люблю и горжусь своей сестрой, которая благодаря своей мирной профессии внесла свой посильный вклад в развитие и процветание столицы нашей Республики.

Автор: Двоюродная сестра Л.П.Лисакович.