Попов Николай Митрофанович 1917 с

Мин хос эһэм Попов Николай Митрофанович 1917 сыллаахха Уус-Алдан улууһун Дьэлигэ нэһилиэгэр төрөөбүтэ. 1943 сыллаахха армияҕа ыӊырыллыбыта. Бастаан 193-с стрелковай полкаҕа, онтон 21-с гвардейскай биригээдэҕэ, 121-с стрелковай полкаҕа рядовойунан сулууспалаабыта. 1944 сыллаахха Польшаҕа ыараханнык бааһыран, инбэлиит буолан дойдутугар эргиллибитэ. «Бойобуой үтүөлэрин иһин», «Германияны кыайыы иһин» мэтээллэринэн наҕараадаламмыта. Сэрии кэнниттэн Чэриктэйгэ Совет секретарынан, леснигинэн, кэлин Дүпсүӊӊэ кадровай булчутунан үлэлии сылдьыбыта. Кини 1 кыыс, 3 уол оҕоломмут. Саамай кыра оҕото — мин эһэм (аҕам аҕата) Попов Михаил Николаевич буолар. 1967 сыллаахха оҕолоро кыра эрдэхтэринэ ыалдьан өлбүт. Ким да умнуллубат, туох да умнуллубат! Хос эһэбинэн киэн туттабын!

 

Автор: Т.Попова 10б кылаас