Полятинская Аксиния Михайловна (1934-2018)

Аксиния Михайловна 1934 сыллаахха от ыйын 1 күнүгэр Авдотья, Михаил Полятинскайдар дьиэ кэргэннэ бастакы о5онон күн сирин көрбүтэ. Бииргэ төрөөбут иккиэлэр. Балта Полятинская Анна Михайловна.

Мин эбэм, Аксиния Михайловна, 7 сааһын туоларыгар А5а дойду Улуу сэриитэ са5аламмыта. 1943 сыллаахха ийэтэ олунньу ыйга, а5ата сааьыары тымныйан ыалдьан утуу-субуу өлбүттэр.  Онон Аксиния Михайловна кыра эрдэҕиттэн сэрии ыар, аас-туор олоҕун, ыарахан  үлэҕэ мускуллан этинэн-хаанынан билбитэ.

О5о сааһыттан колхоз араас бары үлэтигэр улахан дьону кытта тэҥҥэ сылдьыбыта.  Сайын  — от оттуурга,  күһүн  — сир аьын хомуйарга, саас, кыьын — сүөһү көрөргө көмө киһитэ буолан,  сэрии ыарахан сылларын  аһарбыта.

1954 сыллаахха Андрей Алексеевиьы көрсөн ыал буолан, үс о5ону  төрөтөн, ийэ-аҕа буолар үөрүүтун билэн, сүөһү-ас ииттэн Лүксүгүн кыылы

иитэр ферматын киинигэр төьүү ыала буолбуттар. «Лүксүгүҥҥэ ыал буолан олоруохтарыттан дьонум дьиэлэрин аана Тыайаттан, Арыктаахтан, Дьокуускайтан аймахтарыгар, доҕотторугар-атастарыгар бииргэ  үлэлиир үөлээннээхтэригэр аһаҕас этэ. Эдэрдиин-эмэҥниин дьонум ыраас-сылаас дьиэлэригэр итии чэйдэрин иһэн, минньигэс астарын аһаан сороҕор  хонон-өрөөн, сынньанан ааһалларын махтана, сылаастык саныыр  буолуохтаахтар» — балта Полятинская А.М. ахтар.

«Эдьиийим аламаҕай, аһыныгас сүрэхтээх, аймаҕымсах, амарах дууһалаах, үөрүнньэн, сырдык сэбэрэлээх, истин дьүөгэлэрдээх, до5оттордоох эбит. Дьиэтээҕи түбүгүн туох да үгүс айдаана суох бүтэрэн-оһорон иһээччи: түүлээхтэн бэргэһэ, унтуу тигэрэ, сайын оҕоруот аһын, сибэкки ыһара, күһүнүн сир аһын хаһаанара, сүөһүтүн-аһын дьаһайара. дьиэни-уоту ыраастык, тупсаҕайдык тутары сөбүлүүрэ уонна ирдиирэ. Үтүө суобастаахтык үлэлээн дьон-сэргэ убаастабылын ылара. Чугас дьонун мэлдьи өйүүрэ, өйдүүрэ, сүбэ-ама биэрэрэ.  3 оҕо ийэтэ, 9 сиэн, 12 хос сиэн  тапталаах эбээтэ» – диэн ахтар балта Полятинская А.М.

Полятинская Аксиния Михайловна үс о5олоох: Галина, Екатерина, Василий. Аксиния Михайловна о5олоро улаатан, үлэһит бэрдэ буолбуттара:

Мин  эбэм  Аксиния Михайловна Лүксүгүн о5о саадыгар, Нидьилитээ5и, Куокуйдаа5ы «Холбос» кыылы иитэр фермаҕа өр сылларга ситиьиилээхтик, үтүө суобастаахтык улэлээбитин бу наҕараадалара туоһулууллар:

  1. Почетная грамота «За успешное выполнение социалистических обязательств II квартала 1973 года» от 19 июля 1973 г.
  2. Участник ВДНХ СССР утвержденный главным комитетом выставки достижений народного хозяйства СССР в 1975 г.
  3. Почетная грамота «За достигнутые успехи по итогам X – й пятилетки и 8 месяцев» 1981 г.
  4. Почетная грамота «За производственные показатели в выполнении заданий сердцевинного года – 1983 года XI пятилетки» от 25 февраля 1984 г.
  5. Почетная грамота «За высокие производственные показатели и активное участие в общественно-политической жизни коллектива» от 4 ноября 1986 г.
  6. Почетная грамота «Передовику производства Куокуйского отделения. За достигнутые трудовые успехи по итогам 1989 г.» от 27 марта 1990 г.
  7. 1995 сыллаахха улуус бочуоттаах олохтоозо урдук аат инэриллибитэ.

Маны таьынан элбэх ахсааннаах нэһилиэк, улуус, республика таһымнаах грамоталардаах, хайҕал суруктардаах.

 

 

Автор: К. Семенова, 7 кылаас