Петрова Ульяна Романовна

тыыл бэтэрээнэ.

Петрова Ульяна Романовна 1916 сыллаахха от ыйын 16 күнүгэр Таатыныскай нэһилиэккэ төрөөбүтэ. А5ата Роман Герасимов, ийэтэ Анна үс о5олоохторуттан иккис о5о, со5отох кыыс этэ. Урукку олох сиэринэн дьиэ-уот үлэтигэр, сүөһү көрүүтүгэр көмөлөһөн ханнык да үлэттэн толлубат, барыны бары сатыыр буола улааппыта. 1928 сыллаахха «Бэппээйигэ» Оруоһун бала5аныгар Яковлев Николай Семенович ликпуунун оскуолатыгар үөрэммитэ, салгыы Уолба5а үөрэнэ киирэн баран дьонугар көмөлөһөөрү үөрэ5иттэн уурайбыта. 16 саастаах кыыс холкуоска ыанньыксытынан ананан үлэлээбитинэн барбыта. Холкуостар сана тэриллэн эрэр буоланнар, үлэлииргэ сөптөөх усулуобуйа суох этэ, ол да буоллар дьон-сэргэ сананы биһирээн, күргүөмнээх үлэннэн үрдүк чыпчаааллары дабайан испитэ. Аан дойдуну аймаабыт, Саха норуотугар ыараханнык дьайбыт А5а дойдуну көмүскүүр улуу сэриигэ Ульяна Романовна бииргэ төрөөбүт убайа Иннокентий Романович, быраата Иван Романович ыҥырыллан барбыттара. Уонна уоттаах сэрии толоонугар эдэркээн олохторун дойдуларын, норуоттарын туһугар толук уурбуттара. Ульяна убайдаах, быраатын өргө дылы кэтэспитэ. Хаартыскаларын оронун үрдүгэр ыйаан турбута.

Сэрии ыар сылларыгар холкуостаахтар бары биир киһи курдук кыайыы туһугар үлэлээбиттэрэ. Ыанньыксыт үлэтэ олус ыарахан этэ: үчүгэй хотон, үлэн ичэпчэтэр механизация суо5а, хотону сырдатар фонарьдар үлэһиттэргэ аналлаах таҥас суох этэ. Уон түөрт ына5ы күннэ түөртэ ыыллара, ынахтарга сиир отторун киллэрэллэрэ, саахтарын соһон таһаараллара, төрөөбүт ньирэйдэрин көрөллөрө, аһаталлара. Сайын ынахтарын бэйэлэрэ хомуйаллар. Ынах ыамын быыһыгар оттууллар, фроҥҥа сылдьар дьоҥҥо анаан куобах бэргэһэ, үтүлүк тигэллэрэ. Сэрии сылларыгар ас кэмчитин, сынньалана суох үлэни тулуйан, харах уулаах өрөгөйдөөх Кыайыы күнүнү өрө көрсүбүттэрин, Ульяна Романовна хаһан да умнубат этэ. Уоттаах сэрииттэн бааһыран эргиллибит, инбэлиит буойун Гаврил Архиповичтыын собүлэһэн, ыал буолан Иван диэн уолу төрөппүттэрэ. Сэриигэ ылбыт баастарыттан а5алара олохтон эрдэ туораабыта, о5отун Ульяна со5ото5ун улаатыннарбыта.

Ульяна Романовна 1958 сыллаахха биир ынахтан 1076кг үүтү ыан, оройуоннаа5ы Бочуот дуоскатыгар таһаарыллыбыта, коммунистическай үлэ ударнига буолбута. Килбиэннээх үлэтэ сыаналанан «Коммунизм» диэн 13 бастын үлэһиттэриниин Москва5а ВДНХ-5а кыттыыны ылар чиэскэ тиксибитэ. Ситиһииллээх үлэтин холобур буолан, оло5ун үрдүк на5араадалара кэрэһэлииллэр. Биир ньирэй орто ыйааһынын 377 кг, саамай улахан бороону 610 кг тиийэри ситиспитэ. Сүркэн ситиһиилэригэр элбэх бириэмийэлэри, на5араадалары, путевкалары ылбыта.

Ульяна Романовна үс сиэннэрин харайсан улаатыннаран, биэс хос сиэнин көрөн баран күн сириттэн 96 сааһыгар олохтон туораабыта.

Кэккэ5ит кэҥээтин,

Уста5ыт уһаатын,

Уруйгут улааттын,

Тускугут туһаайдын!

 

Хос сиэннэрэ Арылхан, Дархан Петровтар, ЯГНГ, Дьокуускай