Петров Николай Григорьевич (1911 г.р.)

 

Мин эьээм, Николай Григорьевич Петров – 1911 сыллаахха Чурапчы оройуонугар Одьулуун нэьилиэгэр тереебутэ. Эьээбит 16 сааьыттан уйэтин тухары биригэдьииринэн холкуоска улэлээбит. Сэриигэ барыан инньинэ Дария Кононовна диэн кэргэннээх, Кестекуун уонна Еля диэн оголордоох эбит. Кэргэнэ эьээм сэриигэ ынырыллан барбытын кэннэ уонча хонон баран дьаннаан елбут. Оголорун интэрнээккэ олордубуттар.

Туер бииргэ тереебут бырааттыылар бары сэриигэ ынырыллыбыттар эбит. Онтон биир бырааттара баран иьэн аара ыалдьан дойдутугар теннубут уьу. Биир быраата Афанасий 1939 сыллаахха бэс ыйын 24 кунугэр сэриигэ ынырыллан барбыт, 17 стрелковай девизияга 48 стрелковай полкатыгар сылдьыбыт. 1943 сыллаахха сэтинньигэ сэрии толоонугар охтубут эбит уонна Калинин куорат аттыгар кемуллубут. Василий диэн эьээбит биир быраата 1943 сыл убайын, биьиги эьээбитин кытта бииргэ армияга барбыт, 738 стрелковай полка састаабыгар сэриилэьэ сылдьан Волынскай уобалас сиригэр 1944 сыл муус устар 26 кунугэр елбут эбит.

Эьээм, Николай Григорьевич 1942 сыллаахха сэриигэ ынырыллан барбыт. Атырдьах ыйыгар 1943 сылтан ыам ыйын 1945 сылга диэри сэрии толоонугар бастакы биригээдэгэ 527 полка иккис ротатыгар стрелогунан сылдьыбыт диэн военнай билетыгар суруллубут. Дьонно кэпсииринэн харага куьаган буолан снаряд хомуйааччынан сылдьыбыт эбит. Элбэх куоракка Польшага, Берлиннэ тиийэ сэрии толоонугар сылдьыбыт. Ыам ыйыгар 1945 сыллаахха дойдутугар теннен кэлбит.

Элбэх орденнаах, на5араадалардаах эбит, ол курдук «За взятие Берлина» диэн урдук мэдээллээх эбит. Берлины ыларга Сэбиэскэй хамаандага 2,5 мелуйуен солдат уонна офицердар, 6300 танка, 7500 самолет, 45 тыьыынча орудия, миинэлэр туттуллубуттар. Муус устар 21 кунуттэн ыам ыйын 2 кунугэр диэри Берлины утары сэрии буолбут. Ол  1100 киьи эрэ  на5араадаламмыттыттан биьиги эьээбитигэр,  Чурапчы улууьугар Одьулуун нэьилиэгиттэн соготох киниэхэ бэриллибит.

Мин эьээм,  Николай Григорьевич сэрииттэн кэлэригэр кыыьыгар сарафан уонна огуруо кэьиилээх кэлбитин эдьиийбит Иэлэ наьаа уербутун туьунан ахтар. Онтон биир огото Кестекуун эдэр сааьыгар ыалдьан елбут эбит. Сэрииттэн кэлэн баран биьиги эбээбитин Екатерина Алексеевнаны  кэргэн ылан биэс уол, икки кыыс оголоммуттар. Григорий, Афанасий, мин а5ам Алексей, Степан, Николай уонна Александра, Анастасия.

1968 сыллаахха эбээбит  эмискэ ыалдьан елбут, ол кэннэ 1969 сыллаахха эьээбит  быарынан ыалдьан елбут эбит. Инньэ гынан а5ам бииргэ тереебуттэринээн ого сылдьан тулаайах хаалбыттар. Улахан эдьиийдэрэ Иэлэ кэргэнинээн керен-истэн улаатыннарбыттар.

Биьиги эьээбитинэн киэн туттабыт, махтанабыт, о5олорбутугар кэпсии туруохпут диэн эрэннэрэбит.

 

 

Автор: Маныкина Н.А., внучка.