Петров Кирилл Герасимович (05.04.1929-20.05.2012)

Хос эһэм Петров Кирилл Герасимович тыыл, үлэ бэтэрээнэ муус устар 5 күнүгэр 1929 с. Сунтаар улууһун Маар-Күөл нэһилиэгэр төрөөбүт.

Аҕа дойду Улуу сэриитэ саҕаламмытыгар 12 эрэ саастаах оҕо улахан дьону кытта тэбис тэҥҥэ үлэлээн, аас-туор кэми тулуйан, Кыайыыны уһансыбыта.

4 кылаас үөрэхтээх эрээри, суруйара грамотнайын, буочара үчүгэйин дьонум кэпсээччилэр. Отой кырдьыар диэри «Кыым» хаһыаты, «Чолбон» сурунаалы суруттаран ааҕар эбит.

Хос эһэм Маар-Күөл нэһилиэгэр электричество уотун аан бастаан киллэрбит өҥөлөөх. Нэһилиэккэ уот тардан, ыалга киллэртээн, дьон-сэргэ ытыктыыр киһитэ. Эһэм ыал буолан, 7 оҕолонон, элбэх сиэннэнэн, хос сиэннэнэн,үлэни өрө тутан 83 сааһыгар диэри дьоллоохтук олорбута.

Наҕараадалара:

Тыыл бэтэрээнэ

Үлэ бэтэрээнэ

«За доблестный труд в Великой Отечественной войне 1941-1945 гг.»

«50 лет ВОВ»

«55 лет ВОВ»

«60 лет ВОВ»

«65 лет ВОВ»

 

 

Автор: С.Иванова 10 «а» кылаас.