Петров Иван Степанович

Мин эһэм аҕата, ийэм эһэтэ, хос эһэм – Петров Иван Степанович.

Аҕа дойду Улуу сэриитин активнай кыттыылааҕа, Аҕа Дойду Улуу сэриитин I степеннээх орденын, «Хорсунун иhин», «Японияны кыайыы иhин» мэтээллэр, «2-с Украинскай, Забайкальскай фронт ветерана» знак кавалердара, Амма улууһун Абаҕа нэhилиэгин бочуоттаах олохтооҕо Петров Иван Степанович мин хос эhэм буолар. Хос эһэм 1921 сыллаахха тохсунньу 15 күнүгэр Нуотара үрэҕэр сэттис учаастакка тѳрѳѳбүтэ. «Бойобуой» сопхуоска счетоводунан үлэлии сырыттаҕына 1942 сыллаахха Ааллаах-Үүн военкоматынан ыңырыллан 149-с мотострелковай полкаҕа, сапернай ротаҕа сулууспалаабыта.

Кинилэр роталара инники баран иhэрэ, полка тиийиэхтээх сирин бэлэмнииллэрэ: сири миинэттэн ыраастыыллара, кумах куйаарыгар холуодьас хаhан, иhэр ууну бэлэмнииллэрэ. Оннук Япония границатыгар сатыы тиийбиттэрэ. Сапердарыныын хас да дьоппуон харабылын штабтарыгар аҕалбыттара, хас да дэриэбинэни босхолоон Тас Монголия сирин нэдиэлэ устата хааман туораан, Кытайга эмиэ сатыы хааман хас да нэhилиэнньэлээх пууну босхолоон Тожан куоракка тиийэн Кыайыы буолбутун туhунан истэн үөрүүлэрэ муңура суоҕа.

1946 сыллаахха дойдутугар демобилизацияланан кэлэн күүстээхтик yлэлээн «Сталин төбөтө» мэтээл кавалера буолбута. Уонтан тахса сыл тухары Социалистическай куоталаhыы кыайыылааҕа, коммунистическай үлэ ударнига, сүдү күүстээх улахан киhи этэ.

Улуу Кыайыы 65 сылын туолуута, 89 саастааҕар биһи кэккэбититтэн барбыта. Бары да урукку сыллар дьоннорун курдук сүрдээх сэмэй, элбэх саҥата суох, сэрии туһунан тѳрүт кэпсээбэтэ да эбитэ үһү. Бу ахтыыны билэр дьон кэпсээбитинэн хомуллан биһиги дьиэ кэргэн ытыктыыр хорсун эһээбит туһунан ѳйдѳбүнньүк гынан өрүү сүрэхпитигэр илдьэ сылдьабыт!

Н.Спиридонов 5в кылаас, МОБУ «Саха гимназия»