Петров Афанасий Семёнович (1919 — 1987)

Афанасий Семёнович 1919с. II Луучун нэһилиэгэр Соҕуруу учаастакка Аһахтааччы сиригэр төрөөбүтэ. Жданов аатынан холкуоска биригэдьииринэн үлэлээбитэ. 3кылаас үөрэхтээҕэ.

1942с. сэрии хомууругар хабыллан уоттаах сэриигэ барбыта. Вязьма, Смоленскай, Куанас, Кёнигсберг куораттарга сэриилэспитэ. Литваҕа муоста тутуспута. Үлэ фронугар сылдьыбыта. Рядовой саллаат этэ.

Сэрииттэн кэлэн баран Буденнай аатынан холкуоска биригэдьииринэн киирбитэ. Таба иитиитигэр, табанан таһаҕас таһыытыгар үлэлээбитэ. Кэлин Мастаах сопхуос тэриллибитигэр местком бэрэссэдээтэлинэн, суоччутунан, кыладыапсыгынан сылдьыбыта.

Кэрэ куоластаах тойуксутунан биллэрэ. Биэнсийэҕэ тахсан баран өр сылларга о5олор сайыҥҥы үлэ лааҕырыгар үлэлээбитэ.

«Кёнигсберы ылыы иьин», «1941-1945сс А5а дойду Улуу сэриитигэр Германияны кыайыы иһин «,»1942-1945сс А5а дойду Улуу сэриитигэр кыайыы 20 сылынан «,»ССРС сэбилэниилээх күүстэрин 50 сылынан » мэтээллэрдээх.

Афанасий Семёнович 1987с ыарахан ыарыыттан 68 сааһыгар Мастаах бөһүөлэгэр өлбүтэ.

 

Автор: М.Петров, 1 В кылаас уерэнээччитэ, МОБУ СОШ 25, город Якутск