Пестерев Федот Алексеевич

Пестерев Федот Алексеевич (1920-1985)

Биhиги  эhэбит, хос эhэбит Пестерев Федот Алексеевич бала5ан ыйын 20 кунугэр 1920 сыллаахха Орджоникидзевскай оройуон I Дьөппөн (Хоточчу) нэhилиэгэр төрөөбүтэ. Армия кэнниттэн буденай колхозка рабочайынан, колхоз бригадирынан үлэлээбит.

1. Эhэбит сэриигэ хорсуннук кыттыбытын, олоҕун-дьаhаҕын туhунан бэйэтэ илиитинэн суруйан хаалларбыт ахтыытыттан билэбит. 1942 сыллаахха бэс ыйын 21 кунугэр Ийэ дойдутун көмүскүү сэриигэ ыҥырыллыбыт. Сталинград фронугар стрелковай дивизияҕа противотанковайы утарар стрелогунан сылдьыбыт. Сталинград көмүскэлигэр хаҥас атаҕар улаханнык бааhырбыт. Госпитальга эмтэнэн баран, лыжнай бригадаҕа автоматчик быhыытанан салҕыы сэриилэспит. Евеерин командирдаах байыаннай чааска сылдьан Полтаванан, Шум куорат туhаайыытыгар төбөтүгэр икки төгүл ыараханнык бааhыран, араанньа буолан эмиэ тыылга Уралга, Свердловскай куоракка уhуннук эмтэммит. Yтүөрэн баран 31 №-дээх дивизияҕа наводчик-автоматчигынан сылдьыбыт. Ол сылдьан Польшанан Берлиҥҥэ тиийбит.

Берлиҥҥэ сылдьан ылбыт наҕараадалара:

— «Хорсунун иhин»

— «Берлини ылыы иhин!»

— Победа над Германией!

— Улуу Кыайыы 20 сылынан

— Улуу Кыайыы 25 сылынан

Эйэлээх кэмҥэ наҕараадалара:

— Ударник коммунистического труда

— Значок 1973 года социалистических соревнований.

Сэрии кэнниттэн эбэбитин, хос эбэбитин Мэҥэ-Хаҥалас Быраматыттан төрүттээх Мордовская Евдокия Осиповнаны көрсөн, ыал буолан икки оҕо ийэтэ-аҕата буолар дьолу билбитэ. Мэҥэ-Хаҥаластаа5ы эт-үүт комбинатыгар плотнигынан, арыы собуотугар старшай хачыгаарынан үтүө суобастаахтык олоҕун тиhэх күннэригэр диэри үлэлээбитэ. Эhэбит, хос эhэбит Пестерев Федот Алексеевич аатын сиэннэрэ, хос сиэннэрэ киэн тутта ааттыыбыт, холобур оҥостобут.

Н. Васильев, 2 кылаас