Павлова Раиса Кириковна 12.05.1930-01.10.2012

Павлова Раиса Кириковна ыам ыйын 12 күнүгэр 1930 сыллаахха Хаҥалас улууhун I — Дьөппөн, Хоточчу сэлиэнньэтигэр төрөөбүтэ. Аҕата Павлов Кирик Васильевич, ийэтэ Павлова Анисия Петровна. Ол саҕатынааҕы түөрт кылаастаах оскуоланы бүтэрэр. Ийэтэ, аҕата эрдэ өлөннөр тулаайах хаалан, аймах ыалыгар иитиллэр. 1941 сыллаахха сэрии буолбутугар, эр дьону сэриигэ ылбыттарыгар дьахтар, оҕо аймах кыайыыны уhанса ыарахан үлэҕэ умса түһэн үлэлиир. 1951 сыллаахха Дмитриев Николай Николаевичтыын ыал буолар. 1953 сылтан Калинин аатынан колхозка үлэлии киирэр. Кэлин 1968 сылтан «Октябрь 50 сылав» совхозка телятницаннан үлэлиир. Раиса Кириковна түөрт оҕо амарах ийэтэ, биэс сиэн эйэҕэс, тапталлаах эбээтэ. 20 сааhыттан 3 төгүл олохтоох Советын депутатынан талыллан үлэлиир. 1969 — 1973 сс. Оройуон депутатынан талыллар.

Тыыл уонна улэ бэтэрээнэ, Пятилетка ударнига, сүөhү иитиитин 1 кылаастаах маастара, 2-Дьөппөн нэhилиэгин бочуоттаах олохтооҕо. 1973 с. СССР Верховнай Советын президиумун уурааҕынан «Үлэ Кыhыл Знамята» уордьанынан, «1941-1945 сс. Аҕа дойду Улуу сэриитигэр килбиэннээх үлэтин иhин», «В.И. Ленин төрөөбүтэ 100 сылынан. Үлэҕэ килбиэнин иhин», Улуу Кыайыы үбүлүөйүнэй мэтээллэринэ, «Социалистическай күрэхтэhии кыайыылааҕа» бэлиэннэн наҕараадаламмыта. Оройуон «Бочуотун кинигэтигэр» киирбитэ.

Тимофеева А.А. педагог — организатор, советник директора по воспитанию.