Мария Егоровна Павлова (Николаева) (1929 – 1997 гг.)

 

Мин хос эбэм Павлова Мария Егоровна кулун тутар 1 күнүгэр 1929 сыллаахха Бүлүү улууһун Дьэккэн нэһилиэгэр кыаммат ыалга үһүс оҕоннон төрүүр. Кинини икки улахан убайынаан Бүлүү куоратыгар Саввиновтар диэн оҕото суох ыаллар иитэ ылаллар. Ол курдук арыый сэнэх ыалга кыыс оҕоннон иитиллэ сылдьан оскуолага барар. 2с кылааска үөрэнэ сырыттаҕына сэрии саҕаланар.

Ииппит аҕата сэриигэ баран өр буолбакка өлөн хаалар. Ийэтэ Сыралта диэн кыракый, аҕайах дьиэлээх дэриэбинэгэ көһөргэ сананар. Онтон онно олорор ыаллары барыларын Чочу диэн дэриэбинэҕэ көһөрөн илдьэллэр. Сэрии саҕалламмытыгар эбэм 12 эрэ саастаах оҕо да буоллар улахан дьону кытта тэҥҥэ үлэлэһэргэ сананар, ынньыксыттыыр уонна ниирэй көрөр. Убайдара иккиэн сэриигэ баран олус соһуччу эдэркээн уолаттар өлбүт сурахтара кэлэр. Ийэтэ ыар хом санааны тулуйбакка ыалдьан сытынан кэбиьэр. Эбэм ахтыытыттан «Бары биир тэҥнээхтик сылдьарбыт! Оҕо буол, улахан киһи буол сэрии барыларын тэҥниир! Ынахтарбытын ыан баран ойуурга мас кэрдэ барар этибит, киэһээтин сыарҕалаах оҕуһунан сылдьан кэрдибит маспытын ыалынан түҥэтэр этибит.»

Сэрии кэмигэр Чкалов аатынан совхозка ударник үлэһитинэн аатыран 1946с  Сталин мэтээлинэн наҕараадаланар «За доблестный труд в Великой Отечественной войне 1941–1945 гг.»  Кэлиҥҥи сылларга «За доблестный труд», «В ознаменование 100-летия со дня рождения В. И. Ленина» диэн мэдээлээҕэ.

Хос эбэм 6 бэйэтин уонна 3 ииппит оҕо амарах ийэтэ буолта, үйэтин тухары колхоз үлэһитэ, сэрии да кэннэ тулаайах хаалан оскуолаҕа төннүбэтэҕэ. Кини сытыары сымнаҕас майгылаах, дьоҥҥо барыларыгар күүс көмө буолар үһү.

 

 

Автор: Спиридонова П., 3 класс