Пахомова Дария Егоровна (1936 г.р.)

Мин эбэм Пахомова Дария Егоровна 1936 сыллаахха Сунтаар улууһун Аллыҥа нэһилиэгэр «Агитаторга» төрөөбүтэ. Бииргэ төрөөбүттэр үһүөлэр: эдьийэ Катя 1934 сыллаахха, убайа Николай 1931 сыллаахха төрөөбүттэр. Аҕалара Пахомов Егор Павлович 1942 сыллаахха биригэдиирдии сылдьан, Аҕа дойду сэриитигэр ыҥырыллар барбыт. Ол аҕалара сэриигэ барбыт күнүн эбэм үчүгэйдик өйдүүрэ, биһиэхэ кэпсиирэ. Эбэм ахтыыта:

“Аҕам барбытын кэннэ, уокка оттор мас кыайан булбат буолан, ыалга дьукаах көспүппүт. Биир балаҕаҥҥа төһө кыалларынан элбэх ыалы олордо сатыыллара. Кыһын кыра оҕолор сиэл тыытарбыт, сайын сайылыкка таҕыстахха, оттук мас булуу, уу баһыы, ньирэй хомуйуу, түптэ түптэлээһин биһиги үлэбит буолара. Ас-үөл тиийбэт этэ. Ол иһин ийэм биһигини биирдэ Сунтаарга илдьэ киирбитэ. «Нуорма аһылыктаах сиргэ, Тууска, ыытын, оҕолорум хоргуйаары гыннылар», — диэн көрдөhө сатаабытын ыыппатахтара. Ол кыһын быһыылааҕа, ийэм үлэтигэр кыайан тахсыбатаҕын көрөн, пиэрмэ сэбиэдиссэйэ Аанньыска киирбитэ. Биһиги хоргуйан, ороммутуттан кыайан турбакка сытарбыт. Аанньыска уот оттон, үүт уонна бурдук оҕото булан киллэрэн аһаталаабыта. Кэлин «бырантабыык кэргэттэрэ» диэн ас нэһиилэ нэрээттэппитэ. Инньэ гынан, биһигини хоргуйан өлөртөн кини, сэбиэдиссэй Аанньыска, өрүһүйэн турар. Мин ийэм киниттэн маннык ыйытарын ейдүүбүн: «Аанньыскаа, мин сарсыарда ахсын илиим-атаҕым баҕана курдук иһэн, дьэҥкэрэн турабын. Бу сылдьан өлөн хааллахпына, оҕолорбун судаарыстыба харайыа дуо?» — диэн. Онуоха Аанньыска: «Куһаҕаны санаама, биһиги дьоммут хотон эрэллэр үһү, онон, эрдий», — диэн хардарбыта. Ол кыһын миигин эбэбэр ыыппыттара.

Сайын бурдук куоластыырбыт, хортуоппуй сыыһа ыраастыырбыт, күһүн хортуоппуй хостооһунугар көмөлөһөрбүт. Ас-таҥас олох сүппүтэ. Күһүн, бурдук астаннаҕына, кыратык бурдук атаҕа үллэрэ түһэллэрэ. Дьэ, ити курдук аччыктыыр, тоҥор эрэйин көрө-көрө, ким туту кыайарынан, сатыырынан оҕолор улахан дьоҥҥо көмө буола сатаабыппыт”.

Биһиги, аныгы үйэ оҕолоро, 1941-1945 сс. хас биирдии дьиэ кэргэҥҥэ киирбит иэдээни, дьоллоох олохпут туһугар сэриилэспит буойуннары уоннатыылга үлэлээбит дьоммутун умнуо суохтаахпыт. Кинилэр УлууКыайыытуһугаркиллэрбиткылааттаратугунанда кэмнэммэт.

Мин эбэбинэн Пахомова Дария Егоровнанан киэн туттабын, ис сүрэхпиттэн махтанабын.

 

 

Автор: С. Пахомова, 6 кылаас