Оконешникова Анастасия Афанасьевна 1926 — 2005

Оконешникова Анастасия Афанасьевна 1926 сыллаахха балаҕан ыйын 14 күнүгэр Нам оройуонугар 1 Хомустах нэһилиэгэр төрөөбүтэ. Оҕо сааһыгар тулаайах хаалан аҕатын аймахтарыгар иитиллэр, кыһынын интернатка олорон Партизан аҕыс кылаастаах оскуолатын бүтэрбитэ.Үөрэнэр сылларыгар сэрии кэмэ буолан оҕолор улахан дьону кытта тэҥҥэ колхоз үлэтигэр үлэлииллэрэ бурдук хомуйуута, ототтооһуна, мас кэрдиитэ.

Интернатка олорор оҕолор бары байыаннай үөрэҕи 1946 сыллаахха бараллара.Үлэҕэ килбиэнин иһин диэн Сталин медалын туттарбыттара.Оскуолатын бүтэрэн баран Дьокуускайга культпросветучилищеҕа библиотекарь үөрэҕэр үөрэнэ киирэр .Үөрэҕин ситэри бүтэрбэккэ, дойдутугар кэлэн Колесов Дмитрий Гаврильевка кэргэн тахсар.Эдэр кыыһы Хомустаах ааҕар балаҕаныгар библиотекарынан үлэҕэ ылаллар.Үлэтигэр кыһамньылаах толоругар бэрээдэктээх диэн 1 Хомустах нэһилиэгин олохтоох сэбиэтин секретарынан талыллар.Үлэтигэр бэйэтин үчүгэй өттүнэн көрдөрөн Анастасияны олохтоох сэбиэт депутатынан талан таһаарыылаахтык үлэлиир.Олох араас кыһалҕаларыттан элбэх оҕолонон үөрэҕин кыайан ситэн бүтэрбэт. Ол да буоллар олоххо куруук инники күөҥҥэ сылдьар оҕуруот, сүөһү биригээдэтэгэр биригэдиирдиирэ.

Биһиги ийэбит сүрдээх сэмэй ыраас туттуулаах үлэһит этэ. Кэлин биһиги улаатаммыт оҕолоро элбээн олохтоох балыыһаҕа завхоһунан санитарканан үлэлээбитэ. Кэлин Уус Алдан Суотту бөһүөлэгэр көһөн кэлэн баран «Лена совхозка Хоноҕор биригээдэтигэр хотон харабылынан үлэлээн пенсияҕа тахсыбыта. Үлэлиир кэмигэр хайҕал суругунан сыаналаах бэлэҕинэн «Үлэ Ветерана» медалынан наҕараадаламмыта.

Элбэх оҕо ийэтэ, эбэтэ оҕолорун сиэннэрин атахтарыгар туралларыгар күүс көмө буолбута ийэ, эбээ тапталын бэлэхтээбитэ.

Биһиги эбээбитинэн Оконешникова Анастасия Афанасьевнанан сэрии, тыл ветеранынан, сэрии кэмин оҕотунан, Үлэ Ветеранынан киэн туттабыт, киниттэн холобур ылабыт!

 

 Автор: Л.Заровняева 10б кыл.