Оконешников Егор Павлович (5.05.1927-1991)

Мин хос эьэм аата Оконешников Егор Павлович 1927 сыллаахха ыам ыйын 5 күнүгэр Нөөрүктээйи нэһилиэгин Мооротугар төрөөбүтэ. Оскуолаҕа түөрт кылааһы бүтэрэн баран, холкуоска үлэлииргэ күһэллибитэ. 16 сааһыттан Ааллан Үүҥҥэ, Охотскайга кыһын атынан таһаҕас таһыытыгар сылдьыспыта. Ыарахан уһун эрэйдээх айан диэн онно баар үһү.

Холкуос бэрэссэдээтэлэ Егор Павловиһы “Курсы бригадиров тракторных бригад” диэн үөрэххэ ыытарга бирикээс биэрэр. Онон бронь биэрэннэр, армияҕа ыдҥырыллыбатах. Үөрэҕин бүтэрэн кэлэн МТС-ка үлэлиир. Холкуостары кэрийэ сылдьан, сир онороллоро. Кэлин МТС-тары эһэн, холкуостар техникаларын атыылаһан ылыыларыгар, Ленин аатынан холхуоска, Хаптаҕайга механигынан ананар. Ол кэмнэ трактористар куурустара тэриллэн онно учууталынан үлэлиир. Онно үлэлии сылдьан барыта 350 киьини тракторист идэлээх гынан үөрэтэн таһаарар. Ол таһынан сайын, күһүн механигынан улэлиирэ.

Егор Павлович, кэргэнэ Александра Ильинична уонна кини ийэтэ Баишева Ирина Михайловна(1912с.т.) Кыра оҕо Василий Егорович Оконешников.

70-с сыллар саҕаланыыларыгар сопхуос Егор Павловиьы анал механик идэтэ суох диэн, Чурапчы Одьулуунугар үөрэххэ ыыталлар. Онно тиийэн слесарь үөрэҕэр үөрэнэр, ону таһынан бу СПТУ-га трактористары үөрэтэр. Онон “студент преподаватель” буолан үлэлээн, үөрэнэн кэлбитэ.

г.Нальчик, 1978с

Пенсияҕа тахсан да баран, теплицаҕа операторынан, оскуолаҕа электригынан, маҕаһыыҥҥа рабочайынан үлэлээбитэ. Егор Павлович сыралаах, килбиэннээх үлэтин иһин Ленин орденынан, махтал суруктарынан, грамоталарынан наҕараадаламмыта.

Егор Павлович Оконешников тракторист курсаннарын кытта.

Егор Павлович кыра уолунаан, эьэбинээн Егор Оконешниковтыын, 1967с

 

 

 

 

 

 

 

 

 

Автор: ученик 6Б класса Е.Н.Оконешников МОБУ СОШ 23