Охлопков Николай Константинович (1927-2009 гг.)

 

Мин хос эьээм Охлопков Николай Константинович муус устар 1 күнүгэр 1927 сыллаахха 1 Лөгөй нэһилиэгэр орто бааһынай ыалга төрөөбүт. Төрөппүттэрэ олох кыратыгар өлөннөр, бииргэ төрөөбүт убайа Дьаакып — а5а, эдьиийэ Өлөксөөс —  ийэ буолан, кинини көрөн киһи оҥорбуттар.

1937 сыл куһүн аймахтарыгар олорон үөрэттэрээри Дүпсүн 7 кылаастаах оскуолатын маҥнайгы кылааһыгар үөрэнэ киирбит. Итиннэ 4 сыл үөрэнэн 1941 сыллаах саас төрдүс кылааһы бутэрбит. 1941 Аҕа дойду сэриитэ саҕаланан убайа Дьаакып 1941 сыл балаҕан ыйын 2 күнүгэр сэриигэ баран, аны кыайан уорэммэппин диэн аккаастанан үөрэнэ барбакка олордогуна совет председателя модьуйуутунан тохсунньуттан 5с кылааска үөрэнэн, онтон эһиилигэр 6с кылааһы бутэрбит. Салгыы үөрэнэр кыах суох буолан 1944 сыл алтынньыттан 1 Лөгөй нэһилиэгин советыгар секретарынан үлэҕэ киирбит. Итиннэ 2 сыл үлэлээн баран 1946 сыл куһүн салҕыы Мүрү оскуолатыгар 7 кылааска үөрэммит.

Онтон 1947 с күһүн Ленин аатынан колхозка суотчутунан үлэҕэ киирбит. 1948 сыл сааһыгар олохтоох советтарга быыбар барбытыгар нэһилиэк советын секретарынан талыллан онно 1949 сыл күһүнүгэр диэри үлэлээбит. Онтон Ленин аатынан колхозка счетоводунан үлэҕэ киирбит. 1951 сыл саас олунньуга колхозтар холбоһон Лысенко аатынан колхоз тэриллибитигэр главнай бухгалтерынан үлэлээбит.

Ити кэнниттэн 1958 сыл саас Тулуна, 1959 сыл кыһын олунньуга Уһун-Күөл холбоһон олордууларыгар партизан Заболоцкай аатынан колхозка уонна 1964 сыл саас герой Егоров аатынан колхозтан Чараҥ, Майаҕас, Лена колхозтан Хатыҥ Сыһыы холбоһон биир колхоз буолан биир сыл олордуулагырар, ол эбэтэр 1965 сылтан 1971 сылга диэри главный бухгалатынан үлэлээбит. Онтон 1971 сылтан 1974 сылга дылы солбуйар бухгалтерынан, 1974 сылтан колхоз совхоз буолбутун кэннэ эмиэ главнай бухгалтерынан 1982 сыл саас пенсияҕа тахсыаҕар диэри үлэлээбит.

Онтон кэлин 1988 сыл сааска диэри совхоз туйгунун складыгар кладовщигынан үлэлээн баран, үлэттэн тохтообут.

Ити улэлээн кэлиитигэр 1954 сыл Якутскай биир сыллаах колхоз бухгалтердарын бэлэмниир курска үөрэммитэ көмөлөспут.

Үлэлээбитин устатыгар правительство уонна үөһээҥҥи тэрилтэлэр сыаналаан “килбиэннээх улэ иһин” мэдээлинэн, муус устар 15 кунугэр 1970 сыллаахха, Владимир Ильич Ленин торөөбутэ 100 сыла туолуутугар “ килбиэннээх улэ иһин” диэн юбилейнай мэдээлинэн, Аҕа дойду сэриитэ 30 сыла туолуутугар бэриллибит юбилейнай мэдээл, кулун тутар 2 кунугэр 1983 сылга биэрбит үлэ ветеранын туоһулуур мэдээллэр буолаллар. Ону таһынан 1982 сылга пенсияҕа тахсарыгар үлэлээн кэлбит сельхоз министерствотын, оройуонун, советын, колхоһун, совхоһун элбэх грамоталара буолаллар.

Мин хос эһээм ханнык да ыарахан үлэттэн толлубакка кыһамньылаахтык үлэлиир этэ, 80 сааһыгар дылы, сиэннэрин кыра эрдэхтэриттэн бэйэтин кытта бииргэ окко-маска илдьэ сылдьан тыа олоҕун үлэтигэр үөрэппитэ.

Уонна 81 сааһыгар күн сириттэн барбыта.

 

 

Автор: Е.Исаканова,  3 класс