Ноговицына Мария Егоровна (1916 г.р.)

Ноговицына Мария Егоровна 1916с. I — Одунуга 8 оҕолоох Оройколор аҕа ууһуттан төрүттээх. Хос эбэлээх эһэм үөрэҕэ суох буолан, сурук суруйсубатахтар. Онон ханна, ханнык войскаҕа сулууспалаабыта биллибэт. 1945 сыл саҕаланыыта бааһыран дьиэтигэр төннөн кэлбит. Сэрииттэн доруобуйатын сүтэрэн да төнүннэр, колхоһугар араас үлэлэргэ күүһэ баарынан өлүөр дылы олох тупсарын, эйэлээх олох туһугар үлэлээбит. Сэриитээ5и баастара көйөн, ыараханнык ыалдьан 1948 сыллаахха өлбүт.

Эбээ Маайа сэрии сылларыгар дьаарысса бурдук ыһыытыгар үлэлээбитин ахтара. Бурдук хомууругар турар турбат бары үлэлииллэрэ. Киэһээ бурдук быһан сылайан, аччыктаан кэлэн этэрбэстэрин уһуллахтарына, этэрбэс оһунан түспүт туораах бурдуктарын Чоокоон диэн биригэдьиир туура тутан ылара.

Куобах тириитин имитэн үтүлүк тигэн фроҥҥа ыыталлара үһү. Эбэм быраата Бииктэр, аччык оҕо сэппэрээтэр бөлөнөҕүн күүгэнин сии сатаан баран: «аччыктаабыт сирбэр олох тиийбэт» — диир үһү.

Биир сыл дойдуга «от сии» диэн Маалтааныттан колхоз сүөһүтүн көрөн, арыыга кыстаабыттар. «Хата онно оҕолорум барахсаттар турунуопус сиэн абыраммыттара, имнэригэр хаан киирбитэ» — диэн хос эбэм үөрэн кэпсиирин эбэм аах ахталлара.

Ити курдук оҕолуун – улаханныын кыайыы туһугар аччык, тоҥуу – хатыы да буоллар, туох баарынан харса суох үлэлээн, хамнаан кыайыыны уһансыбыттара

 

 

Автор: Хос сиэннэрэ Н.Баишева.