Николаева Варвара Михайловна

(1932-2000 сс.)

Бүлүү улууһа 1-Күүлэт нэһилиэгэ

Хос эбэм Николаева Варвара Михайловна 1932 с. үрэх баһыгар Николаевтар дьиэ кэргэҥҥэ үһүс оҕонон күн сирин көрбүт. Аҕата Мэхээлэ бастакы уонна иккис Күүлэт эргин биллэр тимир ууһа эбит. Холкуостааһын саҕана аҕаларын — нолуок төлөөбөт диэн матыыптаан хаайаллар, онно хаайылла сытан өлбүт. Ийэлэрэ сэрии сылларыгар ыалдьан өлбүт.

            Биэс бииргэ төрөөбүттэр төгүрүк тулаайах хаалбыттар. Хос эбэм Варвара Михайловна булчут буолан, бииргэ төрөөбүттэрин бултаан аһатан улаатыннарбыт. Онтон үрэх баһыттан колхуос киинигэр көһөн киирэн үүт эрийэн уонна арыыhытынан үлэлээбит.

            Сэрии саҕаланыыта кини тоҕустааҕа. Сайынын, сэриигэ диэн хортуоппуй, турнепс үүннэрэн, хомуйан мунньаллара. Сэриигэ барар диэн олох тыыттарбаттар эбит. Кэлин сопхуоска үүт эрийиитигэр уонна арыылыырга өр сылларга үлэлээбит.

            Эhэбитин Семенов Николай Ксенофонтовиhы көрсөн, ыал буолан 5 оҕолонон, үгүс сиэттэрин харайсан дьоллоох олоҕу олорбуттара.

            Үтүө суобастаах үлэтин иһин наҕараадалара:

  Медаль и удостоверение «За доблестный труд в Великой Отечественной войне 1941-1945 гг».

  Победитель социалистического соревнования 1976 года.

  Ударник коммунистического труда — 1981 г.

  Медаль и удостоверение «Ветеран труда».

  Медаль и удостоверение «40 лет Победы в Великой Отечественной войне 1941-1945 гг.»

  Медаль и удостоверение «50 лет Победы в Великой Отечественной войне 1941-1945 гг.»