Николаева Татьяна Ксенофонтовна

Татьяна Ксенофонтовна Далыр нэһилиэгэр Аскабыл диэн күөлгэ төрөөбүт. Аскабыл күөл Аһыкайтан чугас буолан Аһыкайга кэлэн олрбуттар. Колхоз тэриллэн “Кыһыл Үүнүү” колхозка ыанньыксытынан үлэлээбит. 1967 сылга Аһыкай “Куонаан” диэн ферматыгар ийэм 50 сааһыгар «Доярка күнүн» ыытаннар, ийэбэр оччотооҕуга күндү дьиэ малын улахан сиэркилэ бэлэхтээбиттэр. Үлэтигэр үчүгэй көрдөрүүлэрин Үэһээ Бүлүүтээҕи партия райкомун, райсовет исполкомун Бочуотунай грамоталарынан наҕараадаламмыта. 1947 сыллаахха Сталин мэтээлинэн, 1975 сыллаахха “Кыайыы 30 сылыгар” юбилейнай мэтээлинэн, “Үлэ ветерана” диэн мэтээлинэн наҕараадаламмыта.

Ийэм эрэйдээх 7 саастааҕар ийэтэ, аҕата 1 ый быысаһан өлөн хаалбыттар. Төрөппүттэрэ өлбүттэрин кэннэ эһэбит ийэтэ Петрова Ирина (1847-1943) үс оҕону атахтарыгар туруортаан дьон гыммыт. Ол курдук, 1966 сыллаахха аҕам оһолго түбэһэн өлөрүгэр ийэбэр мин 16 саастаах, Бүлүүтээҕи педучилищеҕа саҥа үөрэнэ киирбит кыыс, быраатым 14-тээх уол, балтым 11-дээх кыыс, кыра быраатым 7-лээх уол оҕо хаалбыппыт (икки уол оҕону аҕам быраатыттан Николаев Василий Николаевичтан ылан ииппиттэрэ).

Биһигини түөрт оҕолорун дьон гынаары ийэбит барахсан мүнүүтэҕэ сынньаммакка үлэлээбитин, түүннэри утуйбакка иистэнэн таҥыннарбытын, түбүгүрбүтүн санаатахпына билигин хараастан ылабын.

76 с.

Николаева Мария Петровна – улахан кыыһа, СӨ архыыбынай сулууспа туйгуна.

Үөһээ-Бүлүү улууһун, Оҥхой нэһилиэгин Бочуоттаах гражданина.

Государственнай, муниципальнай сулууспа ветерана.