Николаева Христина Павловна (1917 г.р.)

Николаева Христина Павловна 1917 сыллаахха Хорула нэһилиэгэр төрөөбүтэ. Уончалааҕар аҕата бастакы оскуола тутуутугар ыҥырыллан, көһөн киирбиттэр.

Комсомол ыҥырыытынан эдэр ыччаттар Сүлэ ферматыгар үлэлээбиттэрэ, онтон сүөһүлэрин кыстатаары Хорулаҕа тахсыбыттар. Ол сылдьаннар элбэх уонча саҥа ыал баар буолбут. Хорула хоһуун уолаттара, сүөһү көрө тахсыбыт үөс сир Ньурба тулатынааҕы кыргыттары ылан Хорулаҕа хаалларан үчүгэй ыал буолан, элбэх оҕону- урууну тэниппиттэрэ. Олор истэригэр биһиги ийэбит 1938 сыллаахха Николаев Илья Егоровиһы кытта холбоһон «Өктөөп төлөнө» колхозка үлэлээбитэ. Хорулаҕа сир оҥоһуутунан дьарыктанан кэккэ ситиһиилэммиттэрин биир туоһутунан, ийэбит 1941 сыллаахха үчүгэй үлэтин иһин ВДНХ быыстапкатыгар кыттыбыта.

Сэрии ыар сылларыгар оҕо дьахтар хаалан колхоз үлэтигэр-хамнаһыгар олус күүскө туруммуттара. Оҕуруот биригээдэтин биригэдьииринэн олус үлэһит мындыр үөрэҕэ суох эрээри үчүгэй тэрийээччи эһэбит Николаев Семен Иванович -Сайгылла салайбыта. Ити сылларга хортуоппуй, хаппыыста, эриэппэ, турнепс, бурдук олус үрдүк үүнүүлэри ылаллара. Ол элбэх нэһилиэк дьонун уонна атын да кэлии дьону аччыктааһынтан абыраабыта, хоргуйууну таһаарбатаҕа .

Стахановскай хамсааһын, соцкуоталаһыы колхозка олус күүскэ ыытыллара. Биһиги ийэбитин 1946 сыллаахха иккистээн ВДНХ быыстапкатыгар ыҥырбыттара. Ити сыл кэргэнэ, сэрииттэн кэлэн кыайан барбатаҕа.

Пенсияҕа тахсыар дылы «Коммунизм» колхозка үлэлээбитэ. Уончата төрөөбүтүттэн 5 оҕо ийэтэ элбэх хос сиэн эбэтэ 2001сылга 84 сааһыгар олохтон барбыта.

 

Бэчээккэ бэлэмнээтэ Егорова Валентина Васильевна – Ньурба улууһун, Маар нэһилиэгин “Алгыс” добровольческай түмсүү салайааччыта,

Автор: А.Павлова, 8 а кылаас үөрэнээччитэ, Ахтыыны кыыһа Раиса Ильинина суруйда.