Николаева Евдокия Николаевна 1938с.т.

Мин хос эбээм 1938 сыллаахха бэс ыйын 20 кунугэр Амма оройуонугар Омоллоон нэhилиэгэр тереебутэ. А5ата Николаев Николай Владимирович колхозка хонуу биригэдьииринэн, сылгыhытынан улэлээбит. Ийэтэ Николаева Марфа Николаевна пенсия5а тахсыар диэри дояркалаабыт. Хос эбээм со5отох о5о эбит. О5о сааhа сэрии кэмигэр аас-туор олоххо ааспыт. 1942 сыллаахха сайын а5ата сэриигэ барбыт. Хос эбээм ийэтиниин ыныыр атынан ардах аннынан Амма5а киирэн атаарбыттар.
Ийэтэ хара сарсыардаттан киэьэ харана5а дылы улэлиир эбит. Хос эбээм дэриэбинэ5э сылдьара, дьиэтигэр со5ото5ун олороро. 8 сааhын туолан баран маннайгы кылааска киирбит уонна ыалдьан ситэ уорэммэтэх.
1946 сыллаахха а5ата сэрииттэн этэннэ эргиллэн кэлбит. 1947 сыллаахха маннайгы кылааска иккистээн уорэнэ киирбит. Сэрии да кэнниттэн ас-танас кэмчи эбит.  1950 сыллааахха тердус кылааһы бутэрэн Амма5а бэhис кылааска уерэнэ киирбит. Амма5а тохсус кылааска дылы ыалга олорон уерэммит. Тохсус, онус кылааска интернакка олорон 1958 сыллаахха онус кылааһы бутэрбит. Бутэрэн баран Болугурга икки сыл детсадка воспитателинэн, ыанньыксытынан, куораттан хара эриэн суеhулэри уурэн таьааран онно улэлии сылдьыбыт.
1960 сыллаахха Булуу педучилищетыгар уерэнэ барбыт. 1962 сыллаахха бутэрэн Саккырыыр оройуонун Дьархалаах начальнай оскуолатыгар 1 уонна 3 кылаастарга ананан улэлээбит.Кыра дэриэбинэ, 38 о5олоох кыра оскуола эбит. Биир кылааска 8-тыы, 10-нуу 050 баар эбит. Онно икки кылааhы холбоон уерэппиттэр 1,3 уонна 2,4 кылаастары. Икки учуутал, биир воспитатель, оскуола сэбиэдиссэйэ. О5олор интернакка олорон уерэнэллэр эбит. Биир сыл улэлээн баран климатын себулээбэккэ Амма оройуонугар Амма- Наахара нэhилиэгэр кыра кылаастарга учууталлыы кеhен кэлбит. Пионер баhаатайынан улэлээбит. 1965 сыллаахха хос эhээбинээн Александров Владимир Тихоновичтыын холбоhон ыал буолбуттар. Yс о5ону теретен, керен-истэн улаатыннарбыттар. 1966 сыллаахха кэргэнин быраатын, балтыларын тулаайах хаалбыттарыгар бэйэлэригэр иитэ ылан улаатыннарбыттар, олох киэн суолугар уктэннэрбиттэр.Билигин о5олоро бэйэлэрэ ыал а5алара, ийэлэрэ буолан олороллор. Хас эмит сиэннэрдээх, хос сиэннэрдээх.
Амма-Наахара оскуолатыгар 1963 — 1968 сылларга улэлээн баран Болугур нэhилиэгэр кеhен кэлэн олохсуйбуттар. Болугурга 38 сыл быыстала суох начальнай кылаас учууталынан улэлээн бочуоттаах сынньаланна тахсыбыта. Уопсайа уон выпусктаах. Yерэппит о5олоро бары улаатан, ситэн-хотон араас улэhит дьон буолан республика араас сирдэригэр улэлии-хамныы сылодьаллар. Сорох уерэнээччилэрэ хос эбээбин утумнаан учуутал идэтин талбыттара. Мин хос эбээм Болугур нэhилиэгин биир ытыктанар, убаастанар киhитэ буолан Болугур нэhилиэгин Бочуоттаах Олохтоо5ун аата инэриллибитэ.
Мин хос эбээм Ветеран Труда, Учууталлар Учууталлара, Сэрии О5олоро диэн на5араадалаах. Кини уорэппит, уhуйбут о5олоро куруутун утуе еттунэн, истин-иhирэх тылларынан ахталлар, саныыллар, махтаналлар. Бу учуутал киhиэхэ урдук ситиhии буолар. Мин хос эбээбинэн киэн туттабын.

 

Автор:  А. Оконешников, 1 «г» уерэнээччитэ.