Николаева Анна Григорьевна(1930 г.р.)

Анна Григорьевна Николаева үлэ уонна тыыл ветерана 1930с. Ньурба оройуонугар Үөдэй нэһилиэгэр төрөөбүтэ. 1938 сыллаахха Үөдэй 4 кылаастаах начаалынай оскуолатыгар киирбитэ уонна 1941 сылга диэри туйгуннук үөрэнэн бүтэрбитэ.

1941-1942 сылыгар Чаппанда 8 кылаастаах оскуолатын 5-с кылааска саҥа үөрэнэн истиэҕинэ тапталлаах ийэтин сүтэрбитэ.

Сэрии ыар сылыгар салгыы үөрэнэр кыаҕа суох буолан «Кытаанах тирэх» аатынан колхозка Үөдэй нэһилиэгэр бастаан табельщигынан, онтон ферма араас үлэлэригэр үлэлээбитэ.

1947 сыллаахха 1 Үөдүгэй нэһилиэгэр кыһын кэлбитэ. Ити сылтан 1962 диэри Үөһээ — Бүлүүгэ Далырыгар “Сталин аатынан” колхозка Күүлэт учаастагар рабочайдыыр.

1962-72 сылларга Далыр орто оскуолатыгар 10 сыл кочегарынан, онтон кэнники кэмнэргэ уборщицанан, интернакка түүҥҥү ньээҥкэнэн үлэлээбитэ.

Анна Григорьевна кэргэнэ Иванов Семен Яковлевич сэрии, тыыл ветерана.

Кинилэр аҕыс оҕону иитэн улаатыннардылар. Олортон түөрт оҕо үрдүк үөрэхтээх, түөрт орто анал идэлээхтэр.Кинилэр истэригэр бааллар Саха государственнай цирка артыыһа, Владимир Иванов, учуутал идэлээхтэр Розалия, Анатолий, Яков. Иитээччи үрдүгэ уонна культура үлэһитэ мин эбэм Галина, телемастер Афоня, иистэнньэҥ  Света, бухгалтер, предприниматель Григорий.

Хос эбэм сүрдээх үлэһит, талааннах тойуксут, киэҥ көҕүстээх, дьоҥҥо сүбэлии-амалыы сылдьар идэлээх.

Үлэтигэр сүдү эппиэтинэстээх , кыһамныылаах ол туоһутунан кини ылбыт түөскэ анньынар бэлиэлэрэ уонна грамоталара, махтал суруктара туоһулууллар.

Күндү эбээбит Анна Григорьевна, партия уонна норуот туруорбут постарыгар күүһүн харыстаабакка үлэлээбитин, норуот хаһаайыстыбата уонна культурата чэлгийэ сайдарыгар, Советскай норуоту бүтүннүүтүн кытары бииргэ, төрөөбүт Саха норуота социализм тутуутун дьыалатыгар сэмэй кылаатын киллэрсибитинэн оҕолоро, сэннэрэ, хос уонна хос-хос сиэннэрин киэн туттабыт.

Анна Григорьевна Николаева аата » Аҕа дойду сэриитигэр 1941 — 1945 сс. килбиэннээх үлэтин иһин» мэтээлинэн наҕараадаламмыттар испиэһэктэригэр «Память» 7 том мемориал — кинигэҕэ киирэн турар.

Хос сиэнэ Костенкова Ариэль 3 «В» кылаас, 2025с.

Награды: «За доблестный труд в Великой Отечественной войне 1941-1945 гг.»

 

Автор: Средняя общеобразовательнаяя школа № 25.