Николаев Петр Николаевич (1905 с.)

Үөһээ Бүлүү оройуонун Аһыкай нэһилиэгэр 1905 сыл от ыйын 12 күнүгэр Кулуһуннаах диэн күөлгэ төрөөбүтэ. Дьонугар 15-с оҕонон күн сирин көрбүт, оччоҕо эмп-том суох буолан элбэх оҕоттон эдьиийинээн иккиэйэҕин хаалан дьон буолбуттар. Биир сыл 5 уол оҕолор олохтон туораабыттар. Кини бүтэһик оҕо 1 ыйдааҕар хараҕа ыалдьыбытын оччотооҕу эмп-том суоҕар отоһут дьахтар кэлэн оҕо хараҕар тылынан салаан баран ыалдьа сытар хараҕар сыһыарбытыгар часкыйа түһэн баран үөһэ ыйанан турар биһиктэн өрө мөхсөн, биһиктэттэн сиргэ түһээтин кытта аҥар хараҕын уута муостаҕа “мөлбөрүс” гына түспүт. Аҕам кэлин биһиэҕэ “түһээн даҕаны 2 харахпынан көрбөтөҕүм” – диэн кэпсээттиир этэ.

Кэлин колхозтар тэриллибиттэригэр колхозка киирэн колхозтаах буолан, колхозка араас үлэҕэ үлэлээбит. Сатаан уһанар идэлээх этэ. Хараҕынан сыыллан, Аҕа дойдуну көмүскүүр сэриигэ барбакка тыылга үлэлээбитэ. Оччотооҕу олох тыылга ыарахан, Оҥхойго элбэх киһи, оҕо хоргуйан өлбүттэрэ. Нэһилиэк кырдьаҕаһа Егоров Алексей Николаевич халдьаайы устун хааман иһэн: манна биир ииҥҥэ хас эрэ оҕо хоргуйан өлбүттэрин көмпүттэрэ” – диэн кэпсээн турардаах. Ас-таҥас тиийбэт буолан, кырдьаҕастар да өлүүлэрэ элбэх үһү.

Сэрии бүтэн колхозтаахтар муҥнаахтар үлэлээбит көлөһүннэригэр аһынан дохуот ылан дьэ “һуу” гыммыттар.

1947 сыллаахха тыылга үлэлээбит колхозтаахтарга “За доблестный труд в Великой Отечественной войне 1941-1945 г.г. от имени Президиума Верховного Совета СССР” диэн мэтээл туттарбыттар.

Николаева Мария Петровна – улахан кыыһа, 76 с. СӨ архыыбынай сулууспа туйгуна.

Үөһээ-Бүлүү улууһун, Оҥхой нэһилиэгин Бочуоттаах гражданина.

Государственнай, муниципальнай сулууспа ветерана.

2025 сыл кулун тутар 26 күнэ барбакка тыылга үлэлээбитэ. колхозтаахтар ыарахан үлэҕэ түүннэри-күнүстэри үлэлииллэр. Оскуола оҕолоро ыраахтан сылдьар үөрэнэр кыахтара суох. Сэрии сылларыгар нолуох элбэх үһү, аны сэриигэ сылдьар дьоҥҥо ичигэс таҥас тигэн ыыталлар эбит. Тыылга да олорор дьоҥҥо олох ыарахан, аччыктаан хоргуйан өлөн хаалар ыаллар бааллара үһү. Сэрии сылларыгар төрөөһүн да аҕыйах, суоҕун да тэҥэ. Оҥхой нэһилиэгэр 1942-1945 с.с. төрөөбүт да киһи суоҕун тэҥэ этэ.