Никифоров Семен Семенович (1930 г.р.)

Үлэ, тыыл ветерана Никифоров Семен Семенович

Биһиги а5абыт Никифоров Семен Семенович 1930 сыллаахха Ленинскэй оройуон Хаҥалас нэһилиэгэрэлбэх о5олоох Семен Григорьевич уонна Мария Даниловна Никифоровтарга тѳрѳѳбүтэ. 11 о5оттон 4 о5о тыыннаах хаалбыт: Мария, Семен (биһиги а5абыт), Семен (быраата, абааһыттан куоттаран, тэҥ ааты биэрбиттэр), Василий.
Бырааттара Семен Семенович уонна Василий Семенович булгаахтыридэтинбаһылаан, ѳрсылларгатыахаһаайыстыбатынсалаатыгарүлэлээбиттэрэ. Биһиги а5абыт ыалдьар буолан, оскуола5а ситэ үѳрэммэтэх. Ол да буоллар, үѳрэ5и үрдүктүк тутара: араас хаһыаты, сурунаалы суруйтарара, киэһэ аайы «Хотугу сулус» сурунаалы аахтарара. Ийэбит ѳлбүтүн кэннэ , со5отох да хааллар, барыбытын бииргэ тутан, иитэн-харайан,ийэ-а5а оруолун тэҥҥэ толорбута, үѳрэхтээх, үлэһит дьон буоларбытыгар бары кыһамньытын уурбута.

Кыра сааһыттан ыарахан үлэ5э эриллэн улааппыт буолан, сатаабата5а диэн суох. Ол курдук кини мас, тимир ууһунан «Марха» совхозка биллэр этэ.

1954 сыллаахха СМУ-16 ГВФ түѳрт сыл үлэ ыстаастаах балтаһытынан үлэлии киирбит. Онтон ыла тимир ууһун идэтигэр уһуйуллубут. Ньурба оройуонугар, совхоз отделениеларыгар ыҥырыкка сылдьан үлэлээбит. Саас-сайыныһыы, от үлэтин кэмигэр массыына, трактор алдьанна5ына, мастерскойдарга солбуллубат ѳрѳмүѳннээччи, сыбааркалааччы биһиги а5абыт этэ. Хаһаайыстыбаннай үлэ5э туттарга анаан быһахтары, анньыылары бэйэтэ оҥороро. Маны таһынан оҥорбут хомустара атын улууска тиийэ билигин да бааллар. Хомус оҥорон бүтэрдэ5ин аайы биһиэхэ, кыра кыргыттарыгар, оонньоон иһитиннэрээччи, хомус тардарга кини үѳрэппитэ.

А5абыт Семен Семенович – дэгиттэрмасууһа. Оройуоҥҥа да, совхозка да саҥа тутууларга ааннары, холуодалары, түннүк араамаларын элбэ5и оҥорбута. Үѳрэ5э да суох буоллар, бэйэтин мындыр ѳйүнэн, сатабылынан араас схемалары, чертежтары оҥороро. Кини оҥорбут ыскааптара, остуоллара, олоппосторо, хомуоттара, долбуурдара элбэх ыалга туһалаабыттара. Ону таһынан эдэр ыччакка наставник буолан, элбэх ыччаты уус идэтигэр үѳрэппитэ-такайбыта.

Ол курдук, а5абыт талааннаах уус буоларын 1970 сыллаахха «Удостоверение члена Всесоюзного общества изобретателей и рационализаторов» диэндокумуонатуоһулуур.Совхозкасүѳһүаһылыгынбэлэмнииргэаналлаахтэрилиоҥорбута.

Уруккусылларгаыытылларсоциалистическайкуоталаһыыгабастаабытын «Победитель социалистического соревнования 1975г.» диэнбэлиэтэтуоһулуур.

Өр сыллаах үтүѳ суобастаах үлэтин иһин Верховнай Совет Президиумун Ыйаа5ынан 1989 сыллаахха «Ветеран труда» диэн мэдээлинэн на5араадалммыта.

Маны таһынан биһиги а5абыт солбуллубат оһохчут этэ. Кини дэриэбинэ5э эрэ буолбакка, атын да нэһилиэктэргэ ыҥырыкка сылдьан, ыалларга, тэрилтэлэргэ оһох тутара.

Биһигини үѳрэхтээх дьон оҥортоору түүннэри-күнүстэри түбүгүрээхтээбитэ.

Ол курдук, а5абыт туйа5ын хатарбыт, мындырын-сатабылын иҥэриммит улахан уол Василий Семенович дэгиттэр мас, тимир ууһа буолан, улууска, нэһилиэккэ элбэх тутууларга ититиитин киллэриигэ үлэлэһэр, араас техниканы ѳрѳмүѳннүүр. Леонид Семенович ѳр сылларга айыл5а харыстабылын эйгэтигэр үлэлээн, «Саха Республикатын айыл5атын харыстабылын туйгуна» бочуоттаах бэлиэнэн на5араадаламмыта. Кыргыттара Римма, Альбина, Екатерина Семеновналар үүнэр кѳлүнэни иитэллэр-үѳрэтэллэр. Валентина Семеновна бухгалтер идэтин баһылаан, Саха сирин киин куоратыгар Дьокуускайга улэлии сылдьар.

А5абыт Никифоров Семен Семенович талаана, дьо5ура о5олоругар, сиэннэригэр бэриллэр, үтүѳ, сырдык аата ааттанар.

О5олоро Римма, Василий, Леонид, Альбина, Валентина, Екатерина

Бэчээккэ бэлэмнээтэ Егорова Валентина Васильевна – Ньурба улууһун, Маар нэһилиэгин “Алгыс” добровольческай түмсүү салайааччыта,

Автор: А.Павлова, 8 а кылаас үөрэнээччитэ