Никифоров Николай Филиппович 1931г.р.

Хос эһэм Николай Филиппович Никифоров 1931 сыллаахха Баппаҕаайы нэһилиэгэр, «Баай Эбэ» чугаһыгар баар Силээн Тоһоҕолооҕор колхозтаах кэргэнигэр төрөөбүтэ. Бииргэ төрөөбүттэр төрдүөлэр этэ. Аҕалара Силип Никифоров  оҕолоро кыра эрдэҕинэ өлөн, ийэлэрэ Мотуруона оҕолорун аччыктаабат — сутаабат эрэ икки ардынан иитэлээн атахтарыгар туруорбута. Сталин колхозка кыра сааһыттан хара үлэҕэ миккиллибитэ.

Аҕа дойдуну көмүскүүр Улуу сэрии буоларыгар кини баара — суоҕа 10 саастааҕа, улуу Кыайыы буоларыгар 14 саастааҕа. Ол да буоллар, сэрии ыар сылларын этинэн-хаанынан, сурэҕинэн -быарынан билбитэ.

1949 сылтан Октябрь колхозка чилиэнинэн киирбитэ. Араас үлэҕэ үлэлээбитэ.

1951 сылтан, үс сыл табаҕа үлэлээбит, таһаҕасчытынан.

1952 сыллаахха Арыылаах фермаҕа ыанньыксытынан үлэлиир Варвара Петровнаны көрсөн ыал буолбута. Хос эбэм Варвара Петровна уонна хос эһэм Николай Филиппович уон оҕону төрөтөн, иитэн  атахтарыгар туруортаан олох киэн аартыгар таһаартаан, ыал – үлэһит оҥорбуттара.

1954 сылтан Николай Филиппович уонча сыл ыскылаат сэбиэдиссэйинэн үтүө суобастаахтык үлэлээбитэ.

1964 сылтан хонуу, сүөһү биригэдьииринэн эҥкилэ суох үтүө суобастаахтык үлэлээбитэ.

Николай Филиппович салайбыт звенота 1981 сыллаахха, хас биирдии киһитигэр 52, 3 т оту оттоон XX үйэ механизация аҥардаах бастыҥ звенота ааты ылбыта.  Социалистическай куоталаһыы кыайыылааҕынан буолбута.

1981 сыллаахха сылгы биригэдьииринэн анаммыта. Ол үлэтин түмүгэр «Чемпион сылгыһыт — 1981 с» аалай лиэнтэтин кэппитэ.

Хос эһэм тыыл, үлэ ветерана. 1987 с. Ветеран труда, 1993 с. 1941-45 сс. Аҕа дойду сэриитин кэмигэр Килбиэннээх үлэтин иһин медалларынан, элбэх грамоталарынан, махтал суруктарынан наҕараадаламмыттара. Соц. куоталаґыы кыайыылааҕа. Николай Филиппович «XX үйэ чулуу улэһитэ» диэн бэлиэлээх.

Л. Васильева , 6Б кылаас үөрэнээччитэ