Никаноров Иван Павлович (1938 г.р.)

 

Никаноров Иван Павлович, ахсынньы 10 күнүгэр 1938 сыллаахха төрөөбүтүм.

1939 сыллаахха II Наахараҕа төрөөбүт курдук пааспар оҥотторбутум. Сут-кураан дьылга Эбэм Феврония эмээхсин хоргуйан өлүөхтэрэ диэн таһаартарбыт, аҕата суох этим Наахара5а тахсан баран эбэм аҕатын аатын биэрбиттэр. Мин 3 сааспар кыайан хаампат үһүбүн, ону Хараҕа  суох эбэм ийэтин эрэйдиэ диэн сахалыы эмтээбит. Сүөьү өлөрө сырыттахтарына сылаас ынах ханныгар уган угуттаабыттар. Онтон киллэрэн суорҕанна суулаан баран утутан кэбиспит, ол кэнниттэн хаамар буолан барбыппын. Оскуолаҕа 9 сааспар ылбыттар 1953 сылтан үөрэммэтэҕим. 1954 сылтан колхозтаах буолбутум сайынын маачаха аҕабын кытта от охсор этибит эбии төлөбүргэ арыы биэрэллэр этэ. Онтон 1959 сылтан ньирэй көрүүтүгэр сылдьыбытым.

1959 сыл Быраматтан кэргэн ылбытым, отуттан тахса сыл олорон 5 оҕолоохут. 1973 сылтан Техник асминатар куурсугар 3 ыйга үөрэммитим. Туйгуннук бутэрэн, ол идэбинэн пенсияҕа тахсыахпар диэри улэлээбитим. Байкалов Совхозка хас да төгул миэстэлэспитим, онтон Наахара совхозка 2 төгүл оройуон кыайыылааҕа буолбутум. өрөспүүбүлүкэҕэ III миэстэ буолбутум.

Өр сылларга тиҥэһэ, бургунас көрөн төрөтөн ыанньыксыттарга туттарар этим. Биир тиҥэһэттэн 1300 киилэ ыан Райком махтал суругун биэрбиттэрэ, ол курдук сүөьү улэтигэр 40 чэ сыл үлэлээбитим. 5 төгүл нэһилиэк депутата буолбутум, Меском чилиэнэ уонна солбуйар председателя буола сылдьыбытым. Профсоюз райкомун чилиэнэ, 1966 сыл партия чилиэнэ.

Ылбыт наҕараадаларым:

  1. Ударник коммунистического труда
  2. 1972 социалитическай куоталаһыы знага
  3. Район осминатордар кыайыылааҕа
  4. Байкалов аатыгар кыһыл кинигэтигэр киирбитим
  5. 1987 сыл Мэҥэ-Ханалас трудовой слава кинигэтигэр киирбитим
  6. 1990 сыл үлэ тыыл мэтээлэ
  7. 1991 профсоюз профкомун грамотата
  8. 1988 сыл сүөһү иитиитин маастара
  9. 2008 сыл Мэҥэ-Аат кинигэгэ киирбитим, знак ылбытым
  10. Бэтэрээннэр күрэхтэригэр сахалыы оонньууларга районна 1-2-3 миэстэ
  11. Эстафета бэтэрээнэ, хас да төгүл лауреат.
  12. Сэрии сылын о5ото мэтээлэ.

2011 сыллаахха Олоҥхо эҕэрдэ суругун ылбытым, Ыһыахтарга алгыс, оһуохайдыыр буоларым.

Наахара нэһилиэгин бочуоттаах гражданина оҥорбуттара. Онон Наахара туьугар элбэх сырам барбыта.

Колхоз үлэтигэр 12 сыл үлэлээбитим, ол кэнниттэн совхоз буолбута. Сүөһү үлэтигэр 40 сыл. 17 сыл техник асминаторынан үлэлээбитим.Онон оройуҥҥа үрдүк көрдөрүүнү ылбытым. Онон кырдьаҕастар көмөлөрө улахан. Кэлин бэйэм кырдьаҕас буолан, эдэрдэри кытта үлэлээбитим.

1960 сылтан фермалар бөдөҥсүйэн, кустук ыччат ферматыгар бостуугунан, кыһынын сүөһү аһатан үлэлээбитим. Онон элбэх аты көлүйбүт киһибин.

Сиэттэрим баҕар көрө сылдьыахтара эһэбит олорон ааспыт кэмнэрин өйдүү сырыттыннар, олохторугар туһанныннар диэн санаан туран суруйдум.

 

 

Автор: В.Николаев, правнук.