Неустроева Евдокия Романовна (1922 г.р.)

Неустроева Евдокия Романовна – мин хос эбэм, ийэм эбэтэ буолар. Кини Амма улууhун Соморсун нэhилиэгэр 1922 сыллаахха төрөөбүт.

Сэрии кэмигэр ас, таҥас кырыымчык буолбут. 20 саастаах кыыс хоргуйан илиитэ-атаҕа испитин кэннэ Соморсун биригэдиирэ үрэххэ субан сүөhү көрүүтүгэр көмөҕө ыыппыт. Онно тахсан тыыннаах хаалбытым диэн кэпсиир этэ. Тыhаҕастар төрөөннөр, ол үүтүн иhэн, суорат оҥостон сиир этибит диирэ.

Саха биллиилээх ырыаһыта, ырыа айааччыта, уопсастыбыннай диэйэтэлэ Иванова-Сидоркевич Ольга Петровна ол саҕана кыра оҕо эбитэ үһү. Ону бүөбэйдиирин кэпсиирин өйдөөн хаалбыт эбэбит.

Онтон почта суруктарын таспыт атынан Абаҕа нэhилиэгиттэн Сомурсунҥа диэри, ону дьаам таһыыта диэн ааттыыр этэ. Таҥаhа мөлтөх буолан, тоҥон сыарҕаттан түhэн сүүрэр этим диэбитэ. Онно аhары тоҥон, сэбиргэхтэтэн үлэлээн бүппүт этэ.

Ол кэннэ нууччаларга уот линиятын тардааччыларга ас астааччынан үлэлээбит.

Онтон сэрииттэн кэлбит эhэбитин Неустроев Семен Иннокетьевиhы көрсөн, таптаhан ыал буолбуттара 1952 сыллаахха уонна Сулҕаччы нэhилиэгэр көспүттэрэ. Кинилэр 4 оҕоломмуттара.

 

Автор: Ч. Алексеева, 5 кылаас