Михаил Дмитриевич Неустроев 1915 г

Михаил Дмитриевич Неустроев 1915 сыллаахха алтынньы 15 күнүгэр Боотурускай улууһун Сүпсүк нэһилиэгэр төрөөбүтэ. Кини Дьокуускайдааҕы пединститукка үөрэммитэ уонна 1936 сылтан педагогическай үлэтин Амма сэттэ кылаастаах оскуолатыгар ахсаан учууталынан саҕалаабыта. 1943 сыл бэс ыйын 24 күнүгэр оскуолаҕа директордыы олорон сэриигэ ыҥырыллыбыта.

Монголия народнай республикатын японскай империалистартан босхолооһун уоттаах сэриитигэр кыттыбыт. Сэриигэ киириэх иннинэ кытаанах военнай үөрэҕи барбыт. Сэриилэрин сэбин сүгэ сылдьан 3-5 хонукка киэҥ истиэп устун походка бараллар эбит. 1945 сыл атырдьах ыйыгар Хайлар куораты босхолооһуҥҥа кыттыбыт. Дьоппуоннар Хайлар кириэппэһи 10 сылы быһа туппуттар. Атырдьах ыйын 11 күнүгэр биһиги дьоммут Хайлар куораты бүтүннүү босхолообуттар. Мин хос эһэм минометчик эбит, дьолго бааһырбатах даҕаны.

Михаил Дмитриевич Неустроев 1946 сыллаахха дойдутугар Мындаҕаайыга (Чурапчы улууһа) эргиллэн кэлэн учууталлыырын салҕаабыт. Кини Аҕа дойду сэриитин 2-с истиэпэннээх орденынан наҕараадаламмыт.

 

Авторы: Д.,Д.Тимофеевтар 3 «б»,6 «а» кыласстар