Назар Яковлевич Бабыканов 1925с.

БиҺиги дьиэ кэргэммитигэр Кыайыыны уҺансыбыт, киэн туттар киҺибит хос эбэм быраата Назар Яковлевич Бабыканов буолар. Кини 1925 сыллаахха Сунтаар улууҺугар Тойбохойго төрөөбүт. Армияҕа барыар диэри учууталлаабыт. 18 сааһыгар Армияҕа ыҥырыллан барбыт. Назар Яковлевич сулууспалаабыт Бойобуой Кыhыл Знамя орденнаах албан аатырбыт 6-с гвардейскай танковай армия командирынан сылдьыбыт. Улуу кыайыыны ситиhэргэ улахан кылааты киллэрбит. Бу армия сэрии сылларыгар Кыhыл Знамя уонна Богдан Хмельницкай орденнарынан наӄараадаламмыт. Танковай армия сэрии сындалӄаннах суолунан 2655 км сири барбыт, өстөөх 2543 танкатын үлтүрүппүт, 34 пехотнай, 11 танковай уонна 4 кавалерийскай дивизияны урусхаллаабыт. Армия киин Европа бөдөң куораттарын уо.д.а. босхолооhуңңа сүрүн күүhүнэн буолбута. Сэриини Арӄаа түмүктээбиттэрин кытта бу армияны Илиңңи границаӄа көhөрбүттэр. Сэрии кэнниттэн 3 сыл өссө сулууспалаабыта. Назар Яковлевич 1945 сыл бэс ыйын 24 күнүгэр Москваӄа Кыhыл площадка буолбут Кыайыы өрөгөйдөөх параадыгар кыттар чиэстэммитэ.

1948 сыллаахха гвардия старшината званиелаах, түөhүгэр бойобуой медаллардаах дойдутугар эргиллибитэ. «За отвагу», «За боевые заслуги», «За взятие Вены», «За взятие Будапешта», «За освобождение Праги», «За победу над Германией», «За победу над Японией», «Отечественная война I степени» орденнарынан наӄараадаламмыта. Эйэлээх олоххо Назар Яковлевич туох баар күүhүн-уоӄун оскуолаӄа, оӄону иитиигэ анаабыта. 45 сыл устата география учууталынан, завуhунан төрөөбут Тойбохойугар үлэлээбитэ.

 

Автор: Н.Семенова, 1 «а» кылаас үөрэнээччитэ