Намылова Мария Ивановна (1933-2006)

Хос эбэм Намылова Мария Ивановна (1933-2006) Ийэм өттүнэн хос эбэм Намылова Мария Ивановна диэн, кини үлэ уонна тыыл бэтэрээнэ, мэлдьи күлэ-үөрэ сылдьар үтүөкэн киһи үһү. Мин ийэбин кини аатынан ааттаабыттар, үс төгүл «тезкалар». Хос эбэм 1933 сыллаахха самаан сайын сатыылаан турар кэмигэр Сунтаар оройуонун Кириэстээх нэһилиэгэр күн сирин көрбүт. Бииргэ төрөөбүттэр үһүөлэр.

Убайа суруйааччы, драматург Семенов Иннокентий Федотович (оҕо эрдэҕинэ хос-хос эһэм эдьиэйэ иитэ ылбыт, ол иһин араспаанньата уларыйбыт), кыра балта Максимова Татьяна Ивановна — үгүс көлүөнэ ыччаты ииппит-үөрэппит, билии киэҥ аартыгар үктэннэрбит учуутал, эмиэ үлэ, тыыл бэтэрээнэ. Сэрии саҕаланар сылыгар хос эбэм баара-суоҕа 8 эрэ саастаах оҕочоон этэ. Аҕалара мэлдьи үлэтигэр, таһаҕас тиэйиитигэр сылдьар буолан, кыргыттарын ыалга хааллартаан барара. Оҕолор мэлдьи аҕаларын кэтэһэн тахсаллара үһү…

Сайынын балтын кытары бурдукка үлэлииллэр, күһүнүн оҕо буолан, сайылыкка, Сэрии Киирбиккэ дайааркаларга көмө буолаллар: хараҥаҕа уот тутан биэрэллэр, ынахтары этэттэрэллэр. Хос эбэм 4 кылаас үөрэхтэммит.

Хос эһэбинээн, сэрии бэтэрээнэ Намылов Петр Филипповичтыын, ыал буолан, 7 оҕону төрөтөн, атахтарыгар туруорбуттар. Хос эбэм 2006 сыллаахха күн сириттэн барбыт. Билигин кинилэр олохторун биһиги, кинилэр ыччаттара салҕыыбыт.

 

Автор: Н.Иннокентьев, 9″а» кылаас