Налыйдырова Матрена Елисеевна (1928-2006 гг.)

 

Налыйдырова Матрена Елисеевна Үөһээ Бүлүү Куду (Давыдов) учаастагар 1928 с күн сирин көрбүтэ. 4 оҕо тапталлаах ийэтэ.

Хос эбээбит үлэ, тыыл ветерана, Үөдүгэй нэһилиэгин Бочуоттаах олохтооҕо

Эбээбит ахтыы суруктара

Кыра эрдэхпинэ бурдук ичигэстиир этибит.Кыра оҕолор бары мустаммыт сарсыардаттан киэһээҥҥэ диэри сылдьар этибит.Оҕуруот олордуутугар көмөлөһөрбүт. Түүн хаппыыста олордор этибит. Илиибитинэн  уу бөҕө таһан, сыыс от ыраастыыр,хортуоска олордон баран, сэбирдэҕэ тахсыар диэри түүннэри-күнүстэри уочаратынан харыбыллыыр этибит.

Бу аччык саҕана күҥҥэ 0,2 кг (200гр.) лэппиэскэ биэрэр буолбуттара. Оскуолаҕа үөрэнэ сылдьан,саһаан эрбиир этибит.4 кылааһы бүтэрэн баран, улахан дьону кытта үлэлиир буолбутум.Үөрэҕим онон бүппүтэ.

Ыһыыга атынан тиэрэр булуукка ат сиэтэрим уонна окко киириэх иннинэ колхозка кирпииччэ үктүүр этибит. Оттуур ходуһаны ыраастааһын,бүтэйин оҥоһуута, үргүлдьү окко киирии…Балаҕан ыйыгар диэри сылдьан кээһиилэри,бүтэйдэри биирдэ бүтэн кэлэҕин. Аны бурдукпут сынньыыта саҕаланар, кыһын тымныы түһүөр диэри сылдьарбыт. 14 сааспар комсомуолга киирбитим, онон туох үлэ баар да, барытыгар аккаастаабакка сылдьар этим. 16 саастаахпар Давыдов Боотулуутугар үүт эрийэ сылдьыбытым,сүөгэйбин бэйэм иирдэн арыыбар кыынньаран арыыбын мунньан баран, тымныы баҕайыга оҕуһунан кэлэн иһэн бурҕалдьым быата быстан үлүйэ сыыспытым, ол курдук кытаанах бириэмэлэр ааспыттара.Кыһын тымныыга ыарахан үлэ этэ.

Аны И. Бараахап оскуолаҕа 67 сыллаахха остуораһынан үлэҕэ киирбитим.Манна 22 сыл устата үлэлээбитим 60 сааспар диэри.

Эбээбит, хос эбээбит Мотурууна олорон ааспыт олоҕо биһиэхэ сиэннэригэр, хос сиэннэригэр сырдык сулус буолар. Кинини хаһан да умнуо суохтаахпыт.

 

 

Автор: С.Налыйдырова ученица 3 класса.