Клара Максимовна, Зинаида Максимовна Монастыревалар

 

 Клара Максимовна, Зинаида Максимовна Монастыревалар

  Биhиги хос эбэбит, үлэ, тыыл бэтэрээнэ, Монастырева Зинаида Максимовна 1932 сыллаахха тохсунньу 10 күнүгэр Чурапчы оройуонун Болтоҥо нэhилиэгин Кындал учаастагар төрөөбүт.

Чурапчы оройуонун 1942 сыллаахха атырдьах ыйыгар 41 колхозтарын күүс өттүнэн хоту Кэбээйигэ, Булуҥҥа, Эдьигээҥҥэ сэрии фронугар балык соҕотуопкатыгар үлэлэтэ ыыппыттара. Хос эбээлэрбит Клара 18, Зинаида 10, бырааттара Спиридон 2 саастаах этилэр.

Бэстээххэ диэри сүөhүлэрин үүрэн, аара кураанах дьиэлэргэ хоно-хоно Бэстээҕи нэдиэлэнэн булбуттар. Аны борокуоттара кэлэн биэрбэккэ уонтан тахса хонук Бэстээх биэрэгэр аhаҕас халлаан анныгар хоммуттар. Кэбээйигэ Хатырык Хомо диэн туох да дьиэтэ-уота суох сиргэ сүөкээбиттэр, Мукучу диэн сиргэ көhөн кэлэн, хотон курдук кыра дьиэ туттан хас да ыал дьукаахтаhан олорбуттар. Аҕалара от-мас тиэйиитигэр, ийэлэрэ ыанньыксытынан үлэлээбиттэр. Көhөрүүгэ тымныйыыттан, аччыктааhынтан аҕалара, үгүс чугас дьонноро, аймахтара Кэбээйигэ көмүс уҥуохтара хаалбыта. Эдьиийэ Клара муҥхаҕа сылдьан тымныйан, тыҥатынан ыалдьан, эдэр сааhыгар 1959 сыллаахха өлбүтэ. Зинаида Максимовна кыра сааhыгар тулаайах хаалбыт эдьиийин Клара уолун, биhиги эhээбитин, Валерий Максимовиhы ийэлии иитэн, үөрэттэрэн, ыал, үлэhит оҥорбут.

Эбээбит Зинаида Максимовна Чурапчытааҕы үүт заводугар 30 сыл үлэлээбит кэмнэригэр дьахтар комитетыгар, профсоюзка председателинэн, партийнай тэрилтэ секретэринэн уhуннук, үтүө суобастаахтык үлэлээбит.

Н.Гермогенова, Д. Коркина МОБУ «Саха гимназия»