Михайлова Анна Дмитриевна (1929 — 2020)

Мин хос эбэм Михайлова Анна Дмитриевна диэн, кини Ньурба куоратыгар олорбута, 2020 сыллаахха 91 сааһыгар күн сириттэн туораабыта. Кини улэ, тыыл уонна сэрии ветерана этэ.

Кини 1929 сыллаахха, билиҥҥи «Ээдьээн» сиригэр Ньурба оройуонугар, атырдьах ыйын 1 күнүгэр төрөөбутэ. Аҕата «Тиис Миитэрэй» диэн колхуостаах,булчут бэрдэ эбитэ үһү. Төрөппүттэрэ отой эрдэ өлбүттэр, онон кинилэри өйдөөбөт этэ. Оҕо сааһа, иитиллэ барбыт таайыгар Антонов Василий Михайловичтаахха, «Саалтааныга» ааспыта. Оҕо сааһа оччотооҕу оҕолортон туох да уратыта суо5а. Оскуола5а киирэн биир кылааһы бүтэрбитэ.

Ол сайын Аҕа дойду улуу сэриитэ саҕаламмыта. Дьон үксэ сэриигэ барбыта. Оскуолаҕа салҕыы үөрэммэтэҕэ, ол оннугар колхуоска от үлэтигэр, оҕуруокка уонна да атын оччотооҕу колхуос бүппэт үлэтигэр үлэлээбитэ. Ол сылдьан бииргэ төрөөбүт эдьиийин Огдооччуйаны булбут уонна, кинилэргэ көспүт. Онно колхуоска дайаарканан улэлээбит.

Кэлин сопхуос буолбутугар эмиэ дайааркалыыр, 1964 сыл сайыныгар диэри. Ол сайын Чаппандаҕа балыыһаҕа санитарканан үлэлии киирбит. 8 сыл санитаркалаан баран аны поварынан көспүт. Ол курдук үлэлии сылдьан 1982 сыллаахха пенсияҕа тахсыбыта.

Улэлиир кэмнэригэр салалтаҕа сирдэрбэтэҕэ, куруук бастыҥнар кэккэлэригэр сылдыбыта. Ону элбэх ахсааннаах дипломнара, грамоталара туоһулууллар. «Үлэ, тыыл ветерана» диэн бочуоттаах ааттаах, биэс мэтээл кавалера.

Эбэм өссө сцена ветерана. Кини элбэх конкурстарга, концертарга кыттыбыта уонна лауреат, дипломант буолбута. Кини хомусчут. Мин кыра эрдэхпинэ кини хомустуурун элбэхтэ истибитим.

Хос эбэм соҕотох кыыстаах – мин эбэм Розалия Степановна. Билигин Ньурба куоракка олорор уонна театырга үлэлиир, 5 сиэннээх уонна 2 хос сиэннээх. Тулаайах киһиттэн, Советскай былаас баар буолан, «дьоллоох эмээхсиммин» диэн астына саныыр этэ. Эбэм барахсан өр сылларга  үтүө сүбэһит буолан,  доруобай баҕайытык, уһун дьоллоох олоҕу олорон ааспыта.

К. Васильева,  5 кылаас