Михайлов Гаврил Степанович (1923 г.р.)

Үтүө өйдөбүл

Биһиги аҕабыт Михайлов Гаврил Степанович 1923 сыллаахха l Хаҥалас Сататыгар ,ийэбит Иванова Дария Дмитрьевна 1919 сыллаахха ll Хаҥалас Элгээкэнигэр төрөөбүттэрэ.Кинилэр 1948с.ыал буолан эһэм Миитээ өтөҕөр Элгээкээҥҥэ олорбуттара,онтон 1952 с.мин төрүүр сылбар Маарга дьиэ туттан олохсуйбуттара.

Дьоммут үлэ бөҕөнү көрсүбүттэрин,сэрии аас-туор олоҕун амтанын билбиттэрин,үөрэхтэрэ 3 кылааһынан бүппүтүн туһунан биһиэхэ кэпсииллэрэ.

Ол да гыннар аныгылыы эттэххэ, иккиэн салайар үлэҕэ сылдьыбыттар.Ийэбит ферма сэбиэдиссэйинэн үлэлээбит,аҕабыт үлэтин отой эдэриттэн хонуу биригэдьиириттэн саҕалаабыт.Биһиги оҕо сылдьан аҕабытын дьиэҕэ көрбөт этибит.Үлэһиттэргэ ыһык таһара,от кээмэйдиирэ,үлэ күнүн таһаарара,сырыытыгар наар атынан сылдьарын өйдүүбүн.

60-с сылларга «Коммунизм»колхоз оҕуруот аһын олордор буолбута.Онно аҕабыт хаппыыста олордон,үрдүк үүнүүнү ылан,2-с республиканскай мунньахха делегат буолан кыттыыны ылбыта.Ол кэмҥэ Советскай Союз үрдүнэн Ткачиха Валентина Гаганова Социалистическай Үлэ Геройа ыҥырыы таһаарбытын өйөөн,биһиги аҕабытити мунньахха кыттар чиэстэммитэ уонна ССКП чилиэнэ буолбута.

Онтон кэлин аҕабыт Сэбиэт председателинэн талыллан хас эмит сыл үлэлээбитэ.Урукку кэмҥэ Сэбиэт дэриэбинэҕэ милиция,саахса,хонтуруол,налоговай,арбитр оруолун барытын толорор этэ.Өр сылларга киниэхэ секретарынан Варвара Максимовна Васильева үлэлээбитэ,кини үөрэхтээх быhыылаах этэ, ол иhин Сэбиэт дөкүмүөнүн барытын кини толороро.Бүтэйдээх ыhыаҕын бастакы тэрээhинин мин аҕам саҕаласпыта диэтэхпинэ алҕаhаабатым буолуо.Кэлин «Марха»совхоз буолбутун кэннэ эмиэ эппиэттээх үлэҕэ сылдьыбыта.Завхоз,кладовщик буолан совхоз малын-салын,спецтаҥастары дьаhaйар этэ.Уу суола аhылынна да,аан бастакы баржанан уоҕурдуу,ядохимикат буолунай кэлэрин,дьону хомуйан үөhээ биэрэккэ ыскылаакка тастарара.Аны санаатахха,ол кэмҥэ туох да харыстанар респиратор эҥин диэн суох буоллаҕа.Төhөлөөх киhи ити ядохимикаты ип- итиигэ сүгээри доруобуйатыгар оҕустарбыта,суорума суолламмыта буолуой?Ол иhигэр мин аҕам барахсан, 63 эрэ сааhыгар куртах рага буолан орто дойдуттан бараахтаабыта.

Ийэбитин кытта 28 сыл бииргэ олорбуттарын тухары биирдэ кыыhырсыбакка,биhигини биирдэ мөхпөккө-эппэккэ барбыта.Студенныыр сылларбытыгар үhүөммүтүн көрсөн,атааран,дьиэбитигэр кэлбиппитин биллэрэн,дэлби атаахтатан ыыталыыра.Саас бастакы кус,күhүҥҥү куобах күрэҕэ,муҥха кинитэ суох буолбат этэ.Эhэбит Миитээни,эдьиийбит Аанысканы кытта биир дьиэҕэ олорон,көрөн,бүөбэйдээн көмүс уҥуохтарын көтөхпүтэ.

Бэйэлэрэ үөрэҕэ да суохтарын иhин кинигэни,»Хотугу сулус»сурунаалы,хаhыаты отой көтүппэккэ ааҕаллара.Үчүгэй киинэ,гастролга кэлэр театрдар туруорууларын уочарытынан эбэhээт көрөллөрө.Баҕарар баҕалара биhигини үөрэхтээх дьон оҥортооh ун этэ,ол баҕаларын үhүөн толорбуппут.Ийэлээх аҕабыт түстээбит олохторун салгыыр 6 сиэн,6 хос сиэн бааллар.

Татьяна Гаврильевна Захарова(Михайлова) бочуоттаах сынньалаҥҥа олорор улахан кыыhа.

Бэчээккэ бэлэмнээтэ Егорова Валентина Васильевна – Ньурба улууһун, Маар нэһилиэгин “Алгыс” добровольческай түмсүү салайааччыта,

Автор: А.Павлова, 8 а кылаас үөрэнээччитэ