Мегежекский Николай Аркадьевич

 

Туруу үлэһит, күүстээх санаалаах эһээм Мин эһээм Мегежекский (Семенов) Николай Аркадьевич, кини аҕам Мегежекский Егор Николаевич төрөппүт аҕата буолар. Эһээм Ньурба улууһун Хатыы нэһилиэгэр 1907 с. тохсунньу 30 күнүгэр Кулуһуннаах диэн күөл аттыгар дьиэ кэргэҥҥэ төрөөбүт. Эһээм биһиэхэ суруйан хаалларбыт суруктарыттан, кини чэпчэкитэ суох олоҕо маннык эбит… төрөппүт аҕата өлбүтүн кэннэ, обургу оҕо 1923 с. сайын Үөһээ Бүлүү улууһугар кэлэн, II Үөдүгэй уонна Нам нэһилиэктэригэр сэниэ, кыахтаах бааһынайдарга хамнаска диэн 1930 с. диэри үлэлээбит.

Ол сыл Нам нэһилиэгэр “Чолбон” колхоз тэриллэн, чилиэнинэн киирбит. Онтон ыла кини олоҕо саҥа олох үлэтигэр, күүрээнигэр киирэн уонна маҥнайгы комсомолец буолар уонна тэрийээччинэн үлэлиир. Ити курдук кини республика биллибит “Чолбон” колхоз сайдарыгар улахан акылааты түһэрсибит биир сүдү киһинэн буолар. Эһээм оҕо эрдэҕиттэн үөрэҕэ суох эбит, ону бэйэтэ кыайан, баара суоҕа биир ый ликбезка үөрэнэн латыынныы ааҕар-суруйар буолбут, кэнники бэйэтэ дьаныһан хаһыаты, сахалыы сурунаалы ааҕан, үөрэтэн, холкутук билэр буолбут. Сурук-бичик тарҕаммытыгар, эһээм араспаанньайатын куруутун “Мэгэдьэк” диэн сурунар буолбут, ол курдук Семенов араспаанньайата сүппүт.

1932 — 1933 с.с. Үөһээ Бүлүү дэриэбинэтигэр “СПО-ҕа” харабынайынан, народнай суут сэтээтэлинэн уонна чэпчэки ат конвой начальнигынан үлэлээбит. Ити кэмнэргэ үлэ араас хайысхата саҥардыы баар буолан эрдэҕэ, бу диэн үлэ профессиялара суоҕа.

1934 — 1935 с.с. Нам нэһилиэгэр “СПО-ҕа” председатель солбуйааччытынан үлэлээбит. 1936 — 1937 с.с. Нам нэһилиэгэр “Чолбон” колхоз хонуу бригадирынан үлэлээбит.

Бу 01.01.1938 с. — 23.11.1938 с. диэри “Чолбон” колхоз председателинэн үлэлээбит.

23.11. 1938 с. — 20.03.1940 с. диэри Үөһээ Бүлүү «МТС баһаарынай дружинатын» начальнигынан үлэлээбит.

25.03.1940 с. — 15.03.1942 с. диэри Балаҕаннаах нэһилиэгэр “Чолбон” колхоз “Сибинньэ” ферматыгар сэбиэдиссэйинэн үлэлээбит.

Ол кэннэ колхозка бородуукта завхоһунан 26.06.1942 с. диэри үлэлээбит. Бииргэ үлэлээбит дьоннорун сэриигэ бэбиэскэнэн ыҥыран барбыттар.

Эһээм тылланан, улаханнык көрдөһөн 27.06.1942 с. сэриигэ барбыт. Кини кыра оҕо эрдэҕинэ сиһин сиэтэн, улахан доҕолоҥ эбит, ол иһин аармыйа кэккэтигэр ылбакка буола сатаабыттар. Эһээм уохтаах сэрииттэн 21.09.1944 с. дойдутугар төннөн кэлбит. 01.10.1944 с. — 30.07.1948 с. Үөһээ Бүлүү ис дьыала «Р.О.М.Г.Б.» харабылыгар үлэлээбит. Сэрии кэнниттэн ветеринар үөрэҕэр биир ыйдаах курска үөрэммит. Айылҕаттан мындыр, сытыы, иҥнигэһэ-толлугаһа суох буолан, “Чолбон” колхозка Нам, Балаҕаннаах нэһилиэктэринэн сылдьан, ферма сүөһүлэрин элбэхтик эмтээбит, быыһаабыт киһи буолар. 15.09.1948 с. — 04.07.1950 с. диэри Үөһээ Бүлүү “Собуот” хонтуораҕа хортуоппуй пуунугар сэбиэдиссэйинэн үлэлээбит. 04.07.1950 с. — 23.11.1950 с. дылы Нам сельсоветын председателинэн үлэлээбит.

Кэлиҥҥи 1966 с. диэри “Бараахап” колхозка уруккута “Чолбон” колхоз үлэлээбитим диэн бэйэтэ суруйан хаалларбыт “автобиографията” туоһулуур. Манан ылан көрдөххө, эһээм ол кэминээҕи ыарахан, саҥа былаас үктэниитигэр түбэһэн, бэйэтин кыаҕын, сырдык күүһүн сүтэрбэккэ, үлэ арааһыгар ситэриллэн-хатарыллан, кини үтүөкэннээх, бэриниилээх үлэлээбит сылларын сыллыктаатахха, дьиҥнээх киһи олоҕун олорбут диэн ааҕабын, үрдүктүк сыаналыыбын.

Эһээм наҕараадалара: Байыаннай званията – «сержант». — “1941-1945 с.с. Победа над Германией” диэн медаль. — “Кыһыл Аармыйа 30 сыл” туолуутугар медаль. — “1941-1945 с.с. Двадцать лет Победы Великой Отечественной войны” үбүлүөйүнэн медаль.

1. Үөһээ Бүлүү район “Комсомол комитета 40 сааһыгар” үбүлүөйүнэн Махтал сурук.

2. Үөһээ Бүлүү район сельсовет райком Махтал грамота, 10.03.1961 с. уурааҕынан.

3. Үөһээ Бүлүү район сельсовет райком “1941-1945 с.с. Германия кыайыы 20 сыл” туолар күнүгэр Өйдөбүл сурук, 09.05.1965 с. уурааҕынан.

4. Исидор Барахов колхоз “1941-1945 с.с. Германия кыайыы 20 сыл” туолар күнүгэр Почетная грамота, 09.05.1965 с. уурааҕынан.

5. “Райком КПСС район сельсовет — Н.У. колхоз тэриллибитэ 35 сыл” туолуутугар Почетная грамота, 25.06.1965 с. уураа5ынан.

6. “Исидор Барахов” колхоз правленията, парткома, комкома — Почетная грамота, 25.06.1965 с. уураа5ынан.

7. САССР Ис дьыала министрин 31.03.1941 с. 57 №-дээх бирикээһинэн Махтал сурук.

8. Үөһээ Бүлүү район сельсовет — райком “Колхоз тэриллибитэ 25 сыла туолуутугар “Бочуот” дуоскатыгар, 25.06.1954 с. уураа5ынан.

 

 

 

 

 

 

 

 

 

 

Автор: Л.Е.Мегежекская, внучка.