Матвеев Влас Васильевич

Мин хос эhээм Матвеев Влас Васильевич 1919 сыллаахха II Байаҕантайга дьадаҥы кэргэҥҥэ төрөөбүт. Олорбут сирдэрэ Чөрөмүөй Булгунньаҕа диэн. Аҕата Матвеев Василий Петрович-Тоҥсоҕой Баhылай тоҕус оҕолоох эбит.

1944 сыл атырдьах ыйыгар армияҕа ыҥырыллыбыт. Ол баран 4 ый үөрэммит. Бурятияҕа Кяхта куорат таhыгар 5 ый мас бэлэмниир улэҕэ сылдьыбыт. Чита куорат байыаннай ыскылаатыгар 6 ый үлэлээбит. Иккитэ тымныйан ыалдьан Кяхтага госпитальга сыппыт. 1946 сыллаахха от ыйыгар Кыhыл Армияҕа үчүгэй сулууспатын иhин подполковник Соловьев кэҥүллээх 2 ый дойдутугар уоппускаҕа кэлэн барбыт. Сааhынан демобилизацияланан Дьоккуускай куораттан төннүбүт. Дойдутугар кэлэн баран эмиэ хонуу биригэдьииринэн, кыладыапсыгынан, кадровай булчутунан “Пятилетка” колхозка үлэлээбит. “Хос эhээм дойдуну көмүскүүр сэрии сылларыгар улэҕэ килбиэнин иhин” медаллаах.

Тоҥсоҕой Баhылай Чөрөмүөй Бүөтүр (Матвеев Петр Петрович) уола. Хос эhээм аҕабыт Тоҥсоҕой Баhылай саамай улахан оҕото. Хос эhээбит Влас Васильевич аҕа саастаах аймахтарбыт ахталларынан, атын да дьон кэпсииллэринэн, сытан-олорон ылбат сүрэхтээх, үлэни өрө туппут киhи этэ. Хос эһээм тыыл кэмигэр булчутунан үлэлээбитэ, өлөрбүт түүлээҕин, булдун туттаран иһэрэ. Өлөрбүт булда-аһа, түүлээҕэ таҥас буолан барыта сэриигэ барара. Эдэр сааhыттан тутуу, хонуу араас үлэлэригэр үлэлээбит, булт арааhын суулларар байанайдаах булчут, төhө да кыра үөрэхтээх буолар, саҥа баар буолбут техникаларга барытыгар сыстан, булан, атыылаhан, баар гынан иhэр идэлээҕэ. Хос эhээбит арыый уhуннук олорбута буоллар, хос эhээ дойдуну көмүскүүр Улуу сэрии бэтэрээнэ буолуохтаах эбит, үлэтинэн да аакка-суолга тиксибит буолуо этэ. Ол да буоллар, тоҕус оҕолонон, оҕолорун бэйэтин холобурунан үлэҕэ үөрэтэн, уhуйан, аатын ааттата сырыттахпыт. Уолаттара аҕаларын туйаҕын хатаран, тутууга дьоҕурдаахтар, булка да сыстыгастар. Кини 1977 сыллаахха ыарахан ыарыыттан өлбүтэ.

А. Эверстов, ученик 8 “A” класса