Матвеев Алексей Семенович (1921-1993 гг.)

 

Мин ийэм өттүнэн хос эһээм Матвеев Алексей Семенович (1921-1993 сс.) туһунан ахтыы.

Мин хос эһээм туһунан “Бессмертный полк” саҕаламмытыгар дедсадка сылдьан учугэйдик билбитим. Эбээ Таанньаттан уонна ийэбиттэн ыйыталаспытым.. Кылгастык кэпсээтэххэ маннык эбит, мин хос эһээм Алексей Семенович 1921 сыллаахха быстар дьадаҥы ыалга Уус-Алдан Чэриктэй нэһилиэгэр күн сирин көрбүт. 1930-1934 сс. Чэриктэй начаалынай кылааһын үөрэнэн бүтэрбитэ. Салгыы үөрэнэр кыаҕа суох буолан, “Ыччат сyола” холкуоска улэлээн са5алаабыта. Кини кыра эрдэҕиттэн үлэҕэ дьо5урдаах, дьин чахчы кыайыылаах улэһит буолбута. Бастыҥ от охсооччу этэ. 1942 с.бэс ыйыгар  Чэриктэй нэ4илиэгиттэн 32 киһи Ийэ дойдуларын көмүскүү барбыттара. Хос эһээм, Челябинскай куоракка 4 ыйдаах  байыаннай бэлэмнэнии барбыта. 1943 с.саҕалаан сэрии бүтүөр диэри сэриигэ сылдьыбыта. Кини Сталинградскай, Калининскай, Соҕуруу уонна Хотугулуу-арҕаа,,  иккис-үһүс Украинскай фроннарынан тэлэһийэн, киэҥ бойобуой суолу ааспыта. Доннааҕы-Ростов, Харьков куораттары уонна дэриэбинэлэри, немецкэй-фашисткай саллааттарыттан босхолоооһуҥҥа, Ийэ дойдуну көмүскүүргэ бойубуой хорсун быһыытын иһин, гвардеец үрдүк аатын ылбыта.

Хос эһээм, Алексей Семенович, кэккэ дойдуларын күүстээх тирэх пууннарын урусхаллааһын иһин махтал ылбыта. Гвардия рядовойа, мин хос эһээм, Ийэ дойдутун көмүскүүр ытык иэһин  чиэстээхтик толорон, төрөөбүт дойдутугар 1948 сыл бала5ан ыйыгар эргиллэн кэлбитэ. Кэлээт да холкуоһугар үлэлээбитинэн барбыта. Сэрии кэмигэр көмүстээх Алданна үлэлии сылдьыбыт, Свешникова Харитина Афанасьевнаны, кытта олоҕун холбоон, үс кыыс, биир уол оҕоломмуттара. Улахан кыыс Татьяна — мин эбээм, иистэнньэҥ, Тамара- фельдшер, Алексей-учуутал, Варвара — балыыһа үлэһитэ буолбуттара. Барыта 11  сиэннээхтэр. Хос эһээм эйэлээх кэмнэ эмиэ дьиҥ чахчы гвардеецтыы үлэлээбитэ. 1970 с.килбиэннээх үлэтэ сыаналанан “В.И. Ленин төрөөбүтэ 100 сыла” мэдээлинэн наҕараадаламмыта.

1974 с.коммунистическай үлэ ударнигын аата иҥэриллибитэ. Элбэх төгүл сыаналаах бэлэхтэринэн, анал фондаларынан биэриэмийэлэммитэ. Кыайыы 40 сылыгар Аҕа дойдутун сэриитин II-с степеннаах уордьанынан наҕараадаламмыта. Маны таһынан үгүс үбүлүөйнэй мэтээллэр кавалера.

 

 

 

 

 

 

 

 

 

 

 

 

 

Автор: К.Жиркова, 4 “в”  кылааһын үөрэнээччитэ.