Игнатий (Геннадий) Дмитриевич Мандаров (1929 — 2017 сс.)

Тыыл, улэ бэтэрээнэ  — Игнатий (Геннадий) Дмитриевич Мандаров (1929 — 2017 сс.) 1929 сыллаахха Байа5антай улууьун Томтор (Баайа5а) нэьилиэгэр колхуостаах дьаданы дьиэ кэргэннэ тереебутэ.

1941 сыллаахха ийэтэ Елена Иосифовна елен, оччотоо5у олох аьыытын-ньулуунун, сут-сутур5ан, сэрии ыар тыынын билэн улааппыта. А5атынаан Дмитрий Нестеровичтыын, эдьиийинээн Катялыын, быраатынаан Семеннуун бэйэлэрэ ыал буолан олорбуттара, улэ ыараханын намчы санныларыгар сукпуттэрэ.

Таайым ахтыыта:

Сэрии са5аланыытыгар 12 саастаах этим.

Аармыйа5а бастакы барыыга куьун барбыттара, элбэх киьи ынырыллыбыт этэ. Тит Иванович Белолюбскай уолунаан Василийдыын барбыттарын ейдуубун, атын миинэн баран: «Эьиги этэннэ олорун! Таайым Хабырылла Дьегуерэп курдук дьоруой буолуом!» — диэбитин ейдуубун. Биьиги, танара дьиэтин колокуонньатыгар тахсан, кестубэт буолуохтарыгар диэри керен хаалбыппыт.

Куьун оскуола5а танара дьиэтигэр утулуктээх, бэргэьэлээх олорон уерэнэрбит. Дириэктэрбит  Степан Афанасьевич Луковцев салалтатынан куулаттан Быталыыр Уруйэтиттэн оттук маспытын собуостуубут. Саас саьаан охсобут. Сайын тар5аьыыга хас биирдии о5о5о «хара туулээх» диэн былаан биэрэн ыыталлар: мо5отойу, матта5аны, бытаьыты бултаан туттарыахтаахпыт.

1942 сыл сайыныгар Со5уруу Лампа отчуттарыгар о5уьунан со5ото5ун ейуе таспытым. Биир куул мээккэ бурдук таьаарабын, киирэрбэр арыы илдьэ кэлэбин. Отчуттар суеьулэрин илдьэ тахсан оттууллара, Сидор Васильевич Слепцов ыыра, арыылыыра.

1943 сыл сайыныгар аны суорат таьабын. Суораппын Беленуускэй Сайылыгыттан, Хоннохтон, Харыйантан  а5алан кыладыапсыкка туттарабын, кыраамыгар тиийэ ахсаан буолара. Ол суораты иитимньитэ суох дьонно тунэтэллэрэ. Ол са5ана «Стаханов» холкуос бэрэссэдээтэлинэн а5ам Дмитрий Нестерович Мандаров  улэлиирэ.

1944 сыл сайыныгар эмиэ суорат таспытым, эрдэ хаьыннаан хаалан, бурдук ас куппата5а.

1944-1945 уерэх дьылыгар Беленуускэй Сайылыгыттан сылдьан уерэммитим. Ити сыл бурдук уунэн, саха лэппиэскитин сиэбиппитин умнубаппын, амтанныын ураты минньигэс этэ. Менуеттэнэн, Кутаама Баьынан отчуттарга ейуе таспытым.

Д. Семенова, МОБУ «Саха гимназия»