Малакысов (Иванов) Афанасий Яковлевич (11.12.1910 — 30.03.1985)

Мин аҕам өттүнэн хос эһээм Малакысов (Иванов) Афанасий Яковлевич (11.12.1910-30.03.1985) уонна хос эбэм Сидорова Прасковья Григорьевна (1926-2010).

Мин «Бессмертный полк» диэни ийэм уонна аҕам кэпсэтэллэриттэн билбитим. Хос эһээм сэриигэ сылдьыбыт эбит. Кини «самоучканан» суруйар, ааҕар этэ. Төрөөбүт сирэ Үөһээ Бүлүү Ороһутугар Тамалакааҥҥа төрөөбүт. Сэриигэ сылдьан дэҥнэммит, хараҕа эчэйбит. Кэнники кырдьар сааһыгар көрбөт буолбут. Сэриигэ сылдьан ылбыт эчэйиилэртэн инвалид ВОВ 1 степени буолбут. Аҕа дойду Улуу сэриитигэр сылдьыбытын иһин 1 стиэпэннээх Орден Славы мэтээлинэн 1942 сыллаахха бэлиэтэммит.

Сидорова Прасковья Григорьевна (1926-2010)

Хос эбээм Горнай улууһун Төрдүс Малтааны нэһилиэгэр төрөөбүтэ. Бииргэ төрөөбүттэр 12 оҕолоох дьиэ-кэргэҥҥэ 11 оҕонон төрөөбүт. Дьоно булдунан дьарыктаналлара, инньэ гынан кыра оҕо эрдэҕиттэн убайдарын, эдьиийдэрин батыһан бултуура.
1938 сыллаахха 12 саастааҕар эдьиийдэрин, убайдарын кытта көмүс сууйуутугар үлэлээбитэ. 14 сааһыттан «Саҥа суол» колхозка үлэтин саҕалаабыта. Сайын от үлэтин кэмигэр оҕо күннээҕи нормата 40 суотай этэ. Уон хонуктаах декадаларга бастаан сиэмэ бурдугунан, биир киилэ арыынан наҕараадаламмыта. Кыһынын субай сүөһү көрүүтүгэр, тутуу маһын, саһаан кэрдиитигэр, тиэйиитигэр үлэлиирэ. Маны таһынан сүөһү көрөн олорон, ыйдаҥалаах түүн бултуура. Бултаабыт түүлээҕин маҕаһыыҥҥа туттарара. Хос эбээм соҕотох үлэлиирэ. Аҕата эрдэ олохтон барбыта, икки убайа сэриигэ баран кыргыы хонуутугар геройдуу охтубуттара. Хоргуйан өлүмээри түүннэри сэниэтик олорор ыалларга иистэнэрэ.
Прасковья Григорьевна 1947 с. «1941-1954 сс. Аҕа дойду Улуу сэриитигэр килбиэннээх үлэтин иһин» мэтээлинэн наҕараадаламмыта. Тыыл, үлэ ветерана.
Сэрии кэннэ Афанасий уонна Прасковья көрсөн, ыал буолан, аҕыс оҕону төрөтөн-иитэн олорбуттара.

Р.Сидорова 5 кылаас, МОБУ «Саха гимназия»