Максимов Алексей Иванович (1928 -1992 гг.)

Мин хос эһээм Максимов Алексей Иванович ахсынньы 15 күнүгэр 1928 сыллаахха Горнай оройуонун Атамай нэһилиэгин Ытык Эбэ учаастагар Иван Николаевич, Мария Андреевна Максимовтар диэн колхозтаах дьиэ кэргэҥҥэ төрөөбүтэ. Аҕалара эрдэ 1935 сыллаахха өлөн тулаайах хаалбыттар. Улахан убайа Егор Иванович сааһын ситэн 1941 сыллаахха Аҕа дойдуну көмүскүүр сэриигэ ыҥырыллан барбыта. 1943 с ыллаахха  19 туһунан хайыһар биригээдэтигэр киирэн Ильмен күөлгэ охтубута.

Хос эһээм сэрии ыар кэмнэрин кыһалҕатын этинэн-хаанынан билбитэ. Сэрии саҕаланыытыгар , 13 саастааҕар, холкуос чилиэнэ буолан улахан дьону кытта тэбис-тэҥҥэ оҕус сиэтэн, от оттоон, мас мастаан  үлэҕэ эриллибитэ. Онтон 7 кылаас үөрэхтэммитин кэннэ нэһилиэк сэбиэтигэр суруксутунан, счетовотунан үлэлэппиттэрэ.

1958 сыллаахха связистар курстарыгар үөрэнэн баран Атамай бөһүөлэгин почтатыгар үлэтин саҕалаабыта.

1960 сыллаахха Маҕарас почтатын начальнигынан, 1967 сылтан Бэрдьигэстээххэ почта начальнигын солбуйааччытынан , 1972 сылтан пенсияҕа тахсыар диэри ЛТЦ начальнигынан үлэлээбитэ.

Пенсияҕа тахсан да баран олорботоҕо, маҥнай электромонтерунан, онтон кадровай булчутунан үлэлээбитэ, элбэх кылааннаах түүлээҕи  бултаан туттарбыта.

Өр сыллаах үтүө суобастаах үлэтин сыаналаан 1970 сыллаахха «Килбиэннээх үлэ иһин юбилейнай мэтээлинэн наҕараадаламмыта. Үлэ бэтэрээнэ, Сибээс бэтэрээнэ ааттары иҥэрбиттэрэ.

1956 сыллаахха Максимова Софья Иннокентьевналыын ыал буолан 6 оҕоломмуттара.

 

 

Автор: А.Максимова, ученица 2 класса.